Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Qasym-Jomart Toqaev Dombyra kúnine arnalǵan merekelik kontsertti tamashalaýda

2019 jylǵy 7 shilde 11:52 1364
Bólisińiz:
Qasym-Jomart Toqaev Dombyra kúnine arnalǵan merekelik kontsertti tamashalaýda

 NUR-SULTAN. QazAqparat - Elordadaǵy "Qazaq eli" monýmentiniń aldynda Ulttyq Dombyra kúnine arnalǵan merekelik  kontsert ótip jatyr. Kontsertti Qazaqstan Prezıdenti Qasym-Jomart Toqaev tamashalaýda, dep habarlaıdy QazAqparat tilshisi.

 «Qazaq eli» monýmentiniń aldyndaǵy alańdaǵy úlken sahnada bir myńnan astam dombyrashy  «Saryarqa», «Adaı», «Álqıssa», «Kóńil tolqyny», «Balbyraýyn» jáne «Kóreǵuly» kúılerin tógiltedi. Kúmbirlegen kúıden bólek jınalǵan kórermen nazaryna «Jastar» teatrynyń akterleri tarıhı qoıylymyn usynady, elordalyq mýzyka mektepteriniń shákirtteri ónerlerin ortaǵa salady, aqyndar aıtysy ótedi. Sýyryp salma óleńge ysylǵan jandar ulttyq mýzykalyq aspabymyz - dombyrany jyrǵa qosady.

Sonymen qatar, «Qazaq eli» monýmentiniń aldyndaǵy alańda kıiz úıler tigilip, qazaq aýyly oryn tepken. Kelýshiler dombyranyń jáne basqa da ulttyq aspaptardyń túr-túrimen tanysýǵa múmkindikteri bar.

Mereke keshke Esil ózeniniń jaǵasyndaǵy Amfıteatrda «Naǵyz qazaq - dombyra» kontsertimen jalǵasady. Sahna tórinde Qazaq orkestri, Nur-Sultan qalasy ákimdigi memlekettik akademııalyq fılarmonııasynyń solısteri men vokalısteri óner kórsetedi. Kontserttiń bastalýy - saǵat 18.00-de. Kirý - tegin.

Eske salaıyq, ótken jyly Ulttyq Dombyra kúnine oraı «Qazaq eli» monýmentiniń aldyndaǵy alańda dombyranyń qulaǵynda oınaıtyn 2 myńnan asa ónerpazdan qurylǵan orkestr óz ónerin ortaǵa saldy. Fleshmobqa qatysý úshin elimizdiń óńirlerinen de dombyrashylar elordaǵa at basyn tiredi. Sharany Elbasy Nursultan Nazarbaev tamashalady.

Aıta keteıik, bul qala tarıhyndaǵy aıtýly oqıǵa boldy. «Kóńil ashar», «Adaı», «Balbyraýyn», «Erke Sylqym» jáne «Saryarqa» kúılerin oryndaǵan dombyrashylarǵa QR eńbek sińirgen qaıratkeri, kompozıtor Aıtqalı Jaıymov dırıjerlik etti. 1 shildede ótken Ulttyq Dombyra kúnine arnalǵan kontsertke belgili mýzykanttar, qoǵam jáne memleket qaıratkerleri, onyń ishinde QR Parlamenti Májilisiniń depýtaty Bekbolat Tileýhan, Nur-Sultan qalasynyń mádenıet jáne sport basqarmasynyń basshysy Bolat Majaǵulov, Qazaqstannyń eńbek sińirgen artısi Aıgúl Úlkenbaeva, Nurken Áshirov, dırıjer Arman Júldebaev, «Bastaý» toby, «Serper», «Asyl toby», «Mýzart», Asylbek Eńsepov jáne basqalary qatysty. Byltyrǵy qatysýshynyń eń kishkentaıy 7 jasta, al eń úlkeni - 75-te boldy. Shara barysynda eń jas qatysýshyǵa Elbasy óz qolymen dombyra tartý etti.

Ulttyq dombyra kúni 2018 jyly Qazaqstan Respýblıkasynyń Tuńǵysh Prezıdentiniń Jarlyǵymen bekitildi jáne jyl saıyn shildeniń birinshi jeksenbisinde atalyp ótiledi.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT