Qasym-Jomart Toqaev: Dombyra - búkil Qazaqstan halqyn biriktiretin teńdesi joq mádenı mura

NUR-SULTAN. QazAqparat - Dombyra búkil Qazaqstan halqyn biriktiretin teńdesi joq mádenı mura. Bul týraly búgin  Ulttyq Dombyra kúnine arnalǵan merekelik  kontsertte  Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

"Tól mádenıetimizge degen qamqorlyq árqashan memlekettiń aıryqsha nazarynda bolady. Biz qazaqtyń dástúrli ánin, kúıin elimizge ǵana emes álem jurtshylyǵyna tanytyp júrgen ónerpazdarymyzǵa laıyqty qoldaý kórsete berýimiz kerek. Olar halqymyzdyń ulttyq bolmysyn saqtaý úshin eńbek etip júrgen óner tarlandary", - dedi Qasym-Jomart Toqaev.

Memleket basshysy Qazaqstan birligi bekem, yntymaǵy jarasqan ult pen ulystardyń mekeni ekenin basa aıtty. Elimizde túrli halyqtardyń mádenıeti ósip, órkendep otyrǵandyǵyna nazar aýdartty.

"Dombyra búkil Qazaqstan halqyn biriktiretin teńdesi joq mádenı mura. Ulttyq rýhanııatymyzdy  dáripteıtin mereke  dombyranyń mártebesin  bıikke kótere bersin! Barshańyzǵa, úlken rahmet, aman bolyńyzdar, qurmetti aǵaıyn!", - dep aıaqtady sózin Memleket basshysy.