Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Kaspııde tosyn oqıǵalardy aldyn alýdyń tásilderi naqtylandy

2019 jylǵy 3 sáýir 10:53 1083
Bólisińiz:
Kaspııde tosyn oqıǵalardy aldyn alýdyń tásilderi naqtylandy

NUR-SULTAN. QazAqparat - Parlament Májilisiniń jalpy otyrysynda palata depýtattary «Kaspıı teńizinde tosyn oqıǵalardy bolǵyzbaý týraly kelisimdi ratıfıkatsııalaý týraly» zań jobasyn maquldady, dep habarlaıdy QazAqparat tilshisi.

Atalǵan kelisimge 2018 jylǵy tamyzda Aqtaý qalasynda qol qoıyldy. Qujattyń maqsaty  - teńizdegi Kaspıı mańy memleketteriniń aýmaqtyq sýlarynan tys áskerı kemeleriniń júzýi men onyń ústindegi áýe keńistigindegi áýe kemeleriniń ushý qaýipsizdigin qamtamasyz etý.

«Kelisimniń erejelerine sáıkes, ár taraptyń áskerı jáne áýe kemeleri basqa taraptyń áskerı korablderi men áýe kemelerine jaqyndaǵan kezde qaýipsiz araqashyqtyqta bolýy jáne barynsha saqtyqty tanytýy qajet», - dedi QR Qorǵanys mınıstriniń orynbasary Talǵat Muhtarov

Sonymen qatar, ol áskerı kemeler men áýe kemeleri bir-birine jaqyndaǵan kezde tyıym salynatyn áreketterdi atap ótti.

 Birinshiden, jaýyngerlik manevr jasaý, qarýdy, zymyrandardy, ushý qondyrǵylaryn, qarý-jaraqtyń túrlerin burý jolymen shabýyldary ımıtatsııalaýǵa ruqsat etilmeıdi.

Ekinshiden, teńizde júzý nemese ushý úshin qaýip tóndiretindeı jáne kedergi keltiretindeı qandaı da bir zattardy tastamaýy tıis.

Úshinshiden, kemelerdi basqarýda kedergi keltiretindeı jaryqtandyrý quraldaryn paıdalanýǵa, sondaı-aq kemelerdegi jeke quramnyń densaýlyǵyna zııan keltirýge nemese jabdyqtaryna zalal tıgizýge tyıym salynady.

«Aqparatpen almasý men ózara túsinistikti óristetý úshin áskerı korablder men áýe kemeleri kelisimde aıqyndalǵan jıilikterdegi radıobaılanysty paıdalandy. Kemelerdiń is-qımyldary memleketterdiń egenmendigi men aıryqsha quqyqtaryna zııan keltirmeı júzege asyrylady. Kelisimdi iske asyrý  - teńizdegi Kaspıı mańy memleketteriniń áskerı kemeleri men ushaqtary arasyndaǵy ózara dostyq qarym-qatynasty arttyrýǵa múmkindik beredi», - dedi Talǵat Muhtarov. 

 

Bizdiń kanalymyzǵa jazylyńyz:

Basty sózder: Parlament, Kaspıı,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT