Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Kaspııde ıtbalyq tuqymy quryp barady - vıtse-mınıstr

2019 jylǵy 19 maýsym 17:22 732
Bólisińiz:
Kaspııde ıtbalyq tuqymy quryp barady - vıtse-mınıstr

NUR-SULTAN. QazAqparat - Kaspıı teńizinde ıtbalyqtar sany jyldan-jylǵa azaıyp barady.  Bul týraly búgin Senattaǵy «Qazaqstandaǵy bıologııalyq alýantúrliliktiń saqtalýyn zańnamalyq qamtamasyz etýdiń ózekti máseleleri» atty Úkimet saǵatynda QR Ekologııa, geologııa jáne tabıǵı resýrstar vıtse-mınıstri Erlan Nysanbaev aıtty, dep habarlaıdy QazAqparat tilshisi.

«Kaspıı ıtbalyǵyn qorǵaý boıynsha sharalar qajet dep sanaımyn. Qazirgi ýaqytta túrli derek málimetterine sáıkes, onyń tuqymy 100 myń bastan aspaıdy jáne jyldan-jylǵa tómendeý tendentsııasy baıqalady. Bul qatty alańdaýshylyq týdyrady», - dedi Erlan Nysanbaev.

Sonymen qatar ol elimizdiń bıologııalyq alýantúrliligin saqtaýdyń ilkimdi tetikteriniń biri aıryqsha qorǵalatyn tabıǵı aýmaqtardy qurý bolyp sanalatyndyǵyn basa aıtty.

«Táýelsizdik alǵan jyldan beri Qazaqstanda aıryqsha qorǵalatyn tabıǵı aýmaqtardyń kólemi aıtarlyqtaı ósti jáne búgingi kúni 26,2  mln gektardy nemese el aýmaǵynyń 9,6 paıyzyn quraıdy. Ótken jyldy qorǵalatyn tabıǵı aýmaqtar jelisin damytý aıasynda eki aıryqsha qorǵalatyn aýmaq quryldy. Olar - ShQO-daǵy Tarbaǵataı ulttyq parki men Almaty oblysyndaǵy Іle-Balqash tabıǵı rezervaty. Bıyl Barsekelmes qoryǵynyń aýmaǵyn 2,3 myń gektarǵa jáne Býrabaı ulttyq parkin 3,2 myń gektarǵa keńeıtý jumystary bastaldy», - dedi ol.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT