Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.97 EUR 427.12
RUB 6.04 CNY 54.75
Jańalyqtar

Qanastaǵy neke qııý rásimi Gınnestiń rekordyn jańartty - Sheteldegi qazaq tildi BAQ-qa sholý

2019 jylǵy 6 shilde 11:48 1863
Bólisińiz:
Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý

 Nur-Sultan. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Tashkentte úlken tarıhı qazyna tabyldy - «ÓzA» aqparattyq agenttigi

Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

Tashkentte úlken tarıhı qazyna tabyldy. Ondaǵy bir kitaptyń baǵasy 600 myń dollar turady, dep jazdy Ózbekstannyń «ÓzA» memlekettik aqparattyq agenttigi.

Atalǵan aqparat kóziniń málimdeýinshe bul jolǵy tabylǵan tarıhı muranyń alar orny erekshe.

«Ejelgi dáýirdiń tarıhyn meńzeıtin kez-kelgen tarıhı qazyna ol - sandyqqa toly altyn teńgeler kómilgen jerdi kórsetýshi karta nemese sol kezeńge baılanysty qoljazbalar men jádigerler bolsyn qashanda qundy sanalǵan. Al Tashkentten tabylǵan qazynanyń ereksheligi joǵarydaǵy aıtylǵan baılyqtyń ekeýi de bolǵandyǵy. Mundaǵy altyn teńgeler men ejelgi kezeń dáýirinen derek berýshi syrly kartalar, dinı qoljazbalar jáne ıkona beınesi tápsirlengen biregeı tarıhı baǵasy ázirge beımálim óte qundy úlken qazyna Tashkentten tabyldy»- dep jazdy uza.uz/kz

Ózbekstan ulttyq aqparattyq agenttiginiń keltirgen dáıegine sensek,   sheteldik tarıhı jádigerlerdi satyp alýshy uıymdar bul jolǵy tabylǵan qazynadaǵy altyn teńgeniń bir taly úshin 600 myń dollar baǵa usynǵan.

«Anyǵynda osy qundy teńgeniń baǵasy qansha? Bul úlken qazyna quramynda IX-XIX ǵasyrlar arasynda Shyǵys Túrkistan aımaǵynda, sondaı-aq XVIII jáne XX basynda Reseı men Eýropanyń birneshe elderinde basylǵan altyn, kúmis jáne mys teńgeler kollektsııasy bar. Tabylǵan qazyna arasynan Ámir- Álimhan dáýirine tıesili qoljazbalar men Evropa, Azııa qurlyǵy jaıynda syr shertetin óte qundy zattar saqtalǵan» dep jazady Ózbekstandyq BAQ.

  

«Qanastaǵy» erekshe neke qııý rásimi Gınnestiń rekordyn jańartty - «Aǵajaı-Altaı»

Qytaıdyń Altaı aımaǵyna qarasty tanymal demalys orny «Qanas» kólinde  qyzyqty shara ótti. 1 shilde kúni Qytaıdyń ár ólkesinen kelgen 56 ulttan quralǵan 700 jas jup neke qııý saltanatty rásimin ótkizgen.

Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

Bul týraly osy aptada «Aǵajaı-Altaı» portaly jazdy.

Saltanatty sharanyń qatysýshylary sanynyń ár ulttan, ár óńirden kelýiniń jáne 700 juptan turýynyń ózindik sebebi bar eken.

«Bul jolǵy shara ómirimizdegi eń ǵajap sátterdiń biri. Quddy bir kınodaǵydaı. Ýaqyttyń dál osy sátinde sharaǵa qatysýshylar ártúrli ulttan, ár óńirden bolsaqta, barlyǵymyzdyń aramyzda ortaq bir  baılanystyń baryn  sezindik. Bul jolǵy «Qanasta» basqosýmyzdyń negizgi sebepteriniń biri osy edi. Al 700 juptyń jınalýy QHR-nyń qurylǵanyna 70 jyl tolýyna oraı uıymdastyrylǵan»- deıdi neke qııý rásimine qatysýshylar.

Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

«Qanasta» ótken neke qııý saltanatty sharasy Gınnestiń rekordyn resmı túrde jańartty.

«Úlken ómirge qadam basqan jas otaý ıeleri ózderinshe shoý uıymdastyrdy.  Sharaǵa qatysýshy 534 jigit bir sátte óz súıiktilerine usynys jasady.  Sóıtip, bir ýaqytta súıiktilerine usynys jasaý jaǵynan Gınnestiń rekordyn resmı túrde ózgertti. Buǵan deıin  Hybeıde (QHR-da - avt.) 387 jigit bir ýaqytta súıiktilerine usynys jasaǵan bolatyn»,- dep jazady altxw.com.    

Rásimge qatysqan jas jubaılar «Qanas» kóli aýmaǵynda demalýǵa múmkindik aldy.

 

Qumdy músinder festıvali bastaldy - TRT


Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

14-shi Halyqaralyq Antalııa qumdy músinder festıvaliniń bıylǵy taqyrybyn «Teńizde týǵan ańyzdar» dep belgilendi, dep habarlaıdy Túrkııa Radıo Televızııa portaly.

Festıvalde kórsetilgen týyndylardy 15 músinshi 10 myń tonna ózen qumyn paıdalana otyryp, salǵan. 200-ge jýyq týyndy arasynda álemniń 7 keremetiniń úlgileri de bar. 


Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

Aqparat kóziniń málimetinshe, festıval Lara qalashyǵyndaǵy jaǵajaıda 10 myń tekshe metrlik aýmaqty qamtyǵan jáne oǵan 200 myńnan astam adam keledi dep kútilýde. Antalııadaǵy Halyqaralyq qumdy músinder festıvali álemdegi qumdy kompozıtsııalardyń alǵashqy jáne biregeı ashyq kórmesi.

Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

«Túngi ýaqytta qumdy músinderge jaryq túsirý úshin arnaıy júıe qoldanylady. Kelýshiler festıval alańynan aty ańyzǵa aınalǵan Atlantıdanyń, Shotlandııa ańyzy Fınfolktyń, Soltústik Eýropanyń qubyjyǵy - krakenniń, Koreıadan shyqqan tasbaqa-kemeleri - kobýksonnyń, teńiz qubyjyǵy levıafannyń, akvamenniń, sý perisiniń, sırenanyń, poseıdonnyń jáne basqa da qumnan jasalǵan músinderin tamashalaı alady» dep túıindeıdi trt.net.tr.

«Maqsatymyz qazaq emshiligine muragerlik etý» -  «Aǵajaı-Altaı»

Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

Qytaıdyń Altaı qalasyndaǵy «Qazaq emshiligi shıpahanasy» dep atalatyn aımaqtyq emhana ótken aptada qalanyń ońtústik bóligine kóshti. Jańa mekenjaıǵa kóshken qazaq medıtsınalyq ortalyǵyn qoldaý maqsatynda, osy aptada memlekettiń ár óńirinen áıgili dáriger-mamandar kelgen, dep habarlaıdy «Aǵajaı-Altaı» portaly.  

Jalpy, qazaq medıtsınasy - qazaq shıpagerligi, qazaq emshiligi dep atalady.  Zamanaýı medıtsına qalyptasqanǵa deıin halyq emshiligi róli zor bolǵan. Qazaq dástúrli medıtsınasyn búginde Qytaıda turatyn qazaqtar ózdiginshe damytyp, zaman kóshine ilestirýge kúsh salyp keledi. Ultymyzdyń dástúrli em-domdary  qazirgi ǵylym men tehnıka damyǵan zamanda da óz qundylyqtaryn joǵaltqan joq.

Qazaqtyń shıpagerlik dásúrin zamanaýı emdeý-densaýlyq saqtaý isterimen ushtastyrý maqsatynda 1985 jyly Qytaıdyń Altaı aımaǵynan tuńǵysh ret «Altaı aımaqtyq qazaq shıpahanasy» ashyldy. Búginde qazaq shıpagerliginiń ǵylymı turǵydan jumys júrgizýine jan-jaqty múmkindikter ashylǵan. Munda san ǵasyrlar boıy emdeýdiń úlgileri bulaý, synyqshylyq, bóbekterdi maımen sylaý, densaýlyq qorǵaý ádisi sekildi san túrli ádisi keń qoldanylady. Qajyrly eńbektiń nátıjesinde «Naryqtalǵy», «Ishki aıyqtyrǵy», «Qaptek syrqatnama» qatarly 9 bólimdi oqýlyq qurastyrylyp, Qazaq emshiligi joǵary oqý oryndarynda oqytyla bastaǵan.

Naqtyraq aıta ketsek, qazaq emshiligin negiz etken, emdeý, oqytý, ǵylymı zertteý jáne saýqtyrýdy bir qalypqa keltirgen ulttyq emhana altxw.com málimetinshe, 2015 jyly Shyńjań-Uıǵyr avtonomııaly ólkesi Jibek joly ekonomıkalyq beldeýindegi «Halyqaralyq qazaq emshiliginiń emdeý ortalyǵy» dep resmı ataý bergen. Atalǵan medıtsınalyq ortalyq 51,66 myń sharshy metr aýmaqty qamtyǵan.

Jańa qonysqa kóshken ortalyqty qoldaý maqsatynda, osy aptada memlekettiń ár óńirinen el ishinde tanymal 7 úzdik dáriger-maman kelgen. Olardyń arasynda Beıjiń medıtsına ýnıversıtetiniń, dástúrli qytaı medıtsınasynyń, Tıbet, Mońǵol emshiliginiń mamandary, sondaı-aq Shyńjań medıtsına ýnıversıtetiniń dáriger-ǵalymdary bar. Olar halyqty tegin emdegen.

Óz kezeginde «Qazaq emshiligi shıpahanasynyń» basshysy  Dyń Iuńjııan qazaq emhanasyn aımaqtyq ákimshiliktiń qoldap, qýattap kele jatqanyn aıtady.

«Aımaqtyq ákimshiliktiń qoldaýymen Qazaq shıpahanasy burynǵy shaǵyn shıpahanadan zamanaýı quraldarmen jabdyqtalǵan emhanaǵa aınaldy. Qazaq emhanasy búginde tek emdeýmen ǵana aınalyspaı, jas mamandardy oqytý jumystaryn da qolǵa alýda. Qazirgi basty maqsatymyz - ózgeshe emdeý joldary arqyly aýrýǵa shıpa bola otyryp, qazaq emshiligin zamanaýı tehnologııamen sáıkestirý. Qazaq emshiligine muragerlik etý, sol arqyly halyq emshiliginiń paıdasyn halyqqa jetkizý» deıdi emhana basshysy.


Iran -  Taıaý Shyǵysta ǵylymı turǵydan birinshi orynda - «Fars» aqparat agenttigi

Qanastaǵy neke qııý rásimi Gınnestiń rekordyn jańartty -   Sheteldegi qazaq tildi BAQ-qa sholý 

Saımago kompanııasynyń 2018 jylǵy statıstıkalyq taldaýy men reıtıngisine sáıkes, Iran Azııanyń batysyndaǵy elder arasynda ǵylymı ónimder turǵysynan birinshi orynǵa shyqty, dep habarlaıdy parstoday aqparat agenttigi.

«Fars News saıtynyń habarlaýy boıynsha, Saımagonyń málimetteri ırandyq ǵalymdardyń 2018 jyly ártúrli ǵylymdar boıynsha 60269 maqala jarııalaǵanyn kórsetedi. Sonyń ishinde 54915 maqala ǵylymı turǵydan qundy ári silteme jasaýǵa bolatyn maqalalardy qurady. Álemniń 155 eli arasynda jasalǵan jalpy bir zertteýde Iran álemde 16 orynda, Amerıka men Qytaı jáne Anglııa osy reıtingtiń basynda tur» dep jazady «Fars» aqparat agenttigi.

 

 

Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT