Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Qalı Sársenbaı: Ult bolashaǵyna qyzmet etýdiń kózi - bilim

2019 jylǵy 3 mamyr 15:04 4068
Bólisińiz:
Qalı Sársenbaı: Ult bolashaǵyna qyzmet etýdiń kózi - bilim

ALMATY. QazAqparat -Búgin Almaty qalalyq máslıhattyń depýtaty, belgili jýrnalıst, «Almaty aqshamy» basylymynyń bas redaktory Qalı Sársenbaı «Nur Otan» partııasynyń Almaty bólimshesinde jastarmen kezdesti, dep habarlaıdy QazAqparat tilshisi.

«Bıyl jastar jyly  dep jarııalanǵany tegin emes. El bolashaǵy -  jastar. Elbasymyz Nursultan Ábishuly Nazarbaev únemi jastarǵa qoldaý kórsetip keledi.. Sondaı-aq jaýapkershilikti  jańa býynǵa senip tapsyrýy úlken istiń, ónegeniń  basy bolǵany da ras. Bul jastarǵa úlken senim artý,- dep bastady júzdesýdi Qalı Sársenbaı.

«Alash ardaqtylary - Júsipbek Aımaýytov, Maǵjan Jumabaev, Álıhan Bókeıhanovtar kezinde bir-birine qamqor bolǵan. Álıhandar 30-ǵa jetpeı, Turar Rysqulovtar 19 jasynda «atqa mine» bastaǵan», - dedi Qalı Sársenbaı.

Onyń aıtýynsha, jastar ult bolashaǵyna qyzmet etýge múmkindik beretin bilim alýy kerek. Ol úshin memleket tarapynan barlyq jaǵdaı jasalyp jatyr.

«Elbasy óziniń «Rýhanı jańǵyrý» baǵdarlamasynda da buǵan keńinen toqtalyp ótken. Barlyǵy óz negizin keshegi ulylarymyz aıtqan tamyrdan alady. Qazirgi baǵdarlamamyz, baǵytymyz osy. «Bolashaq» baǵdarlamasymen shet elderde qanshama kadrlar daıyndaldy. Qazir sol oqyp kelgen stýdentter san salada jumysqa kirip jatyr. Erterekte Nursultan Nazarbaev «Bolashaq» baǵdarlamasymen oqyp jatqan jastarǵa arnap hat jazǵan da bolatyn. Onda jastardyń  mindeti -  joǵary bilim alyp, al alǵan bilimin  eldi damytýǵa, Qazaqstandy álemge tanytýǵa jaratýy tıis ekendigin atap ótken edi. Sondaı-aq «Nur Otan» partııasynyń  bir qanaty - Jas Otan. Ol myna otyrǵan sizder. Endeshe alǵan tárbıe, bilim, erteń óz ultyńa máńgilik qyzmet etýi tıis. Osy baǵytta jumys isteý kerek», - dedi Q.Sársenbaı.

Jıynǵa kelgen jastar qoǵam qaıratkerine ǵylym men bilim, jýrnalıstıka, qoǵam salasynda alańdatyp júrgen suraqtaryn qoıdy.

 

Foto: anatili.kazgazeta.kz

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT