Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

IT-startaptarǵa eki jylda 29 mlrd teńgege jýyq ınvestıtsııa tartyldy

2019 jylǵy 25 maýsym 11:44 526
Bólisińiz:
IT-startaptarǵa eki jylda 29 mlrd teńgege jýyq ınvestıtsııa tartyldy

NUR-SULTAN. QazAqparat - Aqparattyq tehnologııalar salasyndaǵy ınnovatsııalyq ekojúıeniń damýy týraly Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev aıtyp berdi, dep habarlaıdy QazAqparat tilshisi.

«2018 jyly Astana Hub halyqaralyq tehnoparki ashylǵan sátten beri IT-startaptarǵa 29 mlrd teńgege jýyq ınvestıtsııa tartyldy», - dep atap ótti Asqar Jumaǵalıev.

Mınıstrdiń aıtýyna qaraǵanda, Astana Hub tehnoparkindegi jumys kóleminiń artýy - baǵdarlamalardyń ınvestıtsııalyq tartymdylyǵy men joǵary qyzyǵýshylyqqa ıe ekenin dáleldeı túsedi. 

«Ótken jyldyń qorytyndysy boıynsha, Astana Hub  elimizdegi eń tanymal netvorkıng-alańǵa aınaldy. Tehnopark bazasynda 500-den astam is-shara uıymdastyrylyp, oǵan shamamen 20 myń adam qatysty. Startaptardy ári qaraı zertteý jáne bilim berý jaǵynan qoldaý kórsetý úshin tehnoparkte CISCO, IBM, Huawei, Intellisense sııaqty kompanııalardyń 16 R&D-ortalyǵy ashyldy. Bul ortalyqtarda keńes berý, tehnıkalyq saraptama júrgizý, arnaıy jabdyqtar men baǵdarlamalyq qamtamasyz etý qyzmetteri qoljetimdi. Jańashyl qyzmetkerler úshin turaqty negizde bilim berý is-sharalary ótkizilip turady. Uıymdastyrylǵan 122 kezdesýge 2500-ge jýyq tyńdaýshy qatysqan», - dedi ol.

Asqar Jumaǵalıev atap ótkendeı, ınnovatsııalyq ekojúıeni damytý úshin venchýrlik qarjylandyrý týraly zań qabyldanǵan. Onda venchýrlik qorlardy memleketpen birlesip qarjylandyrý arqyly qoldaý kórsetý kózdelgen.

«Osy zań aıasynda «Qazaqangels» bıznes klýby men «Qazaq Techventures» sekildi salaǵa qoldaý kórsetý ınstıtýtyn qurý múmkin boldy. Jýyq arada eki venchýrlik qordy iske qosý josparda bar», - dedi ol.

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT