Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Irandaǵy qandasymyz qazaqtardyń atajurtqa oralýyna basty kedergini atady

2017 jylǵy 22 maýsym 19:19 970
Bólisińiz:
Irandaǵy qandasymyz qazaqtardyń atajurtqa oralýyna basty kedergini atady

ASTANA. QazAqparat - Iran Islam Respýblıkasyndaǵy qazaqtardyń Qazaqstanǵa qonys aýdarýdaǵy eń basty máselesi - óz ultyn dáleldeı almaýy. Bul týraly QazAqparat tilshisine Dúnıejúzi qazaqtary quryltaıyna Iran elinen kelgen qandasymyz Zadsar Kópenın Bokbaı aıtyp berdi.

«Quryltaıǵa qatysý múmkindigine ıe bolǵanyma erekshe qýanyshtymyn! Bul álemdegi qazaqtar bas qosyp pikir almasatyn, atajurtymyzǵa oralýǵa jol ashatyn múmkindik dep bilemin. Iranda 10 myńnan astam qazaq bolatyn, sonyń teń jartysy qazaq eline qonys aýdardy. Qazir 5 myńnyń aınalasynda qandasymyz bar. Olar Gorgan, Bender-Túrikmen jáne Gúlistan provıntsııasynyń Gombad qalalarynda turady. Negizinen saýdamen, óndirispen shuǵyldanady. Qazir memlekettik qyzmette isteıtin jastar da kóbeıip keledi», - deıdi qandasymyz.

Sonymen birge ol Irandaǵy qazaqtardyń óz-salt dástúrin, tilin múmkindiginshe saqtaýǵa tyrysyp kele jatqanyn aıtady.

«Biz tilimizdi, mádenıetimizdi atalarymyzdyń qadaǵalaýynyń arqasynda saqtap keldik. Mektepke barǵanda parsy tilinde sóıleımiz, úıge kelgende áke-sheshelerimiz ursyp, qazaq tilinde áńgimelesetinbiz. Qazir biz de balalarymyzǵa solaı úıretip jatyrmyz. Bizdiń negizgi ata qonysymz Mańǵystaý óńiri eken. Alla buıyrsa, osynda birjolata kóship kelgimiz keledi. Iran elinen qonys aýdaratyn qazaqtardyń eń basty máselesi - qujat jumystary. Óıtkeni bizdiń tólqujatymyzda ultymyz kórsetilmeıdi. Bárimiz - tek ırandyqpyz. Al, Qazaqstanda turaqty turý yqtııarhatyn alý úshin qazaq ekenińdi dáleldeıtin anyqtama kerek, ony Iran úkimetinen alýdyń múmkindigi joq. Mine osy jaǵdaı Irannan qonys aýdarǵan qazaqtardy úlken áýre-sarsańǵa salyp otyr», - deıdi Zadsar Kópenın Bokbaı.


Irandaǵy qandasymyz qazaqtardyń atajurtqa oralýyna basty kedergini atady

Bizdiń kanalymyzǵa jazylyńyz:

Basty sózder: Qandastar, Qazaqstan jáne Iran,
Bólisińiz:

Avtor:

Rızabek Núsipbekuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT