Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Iran astanasyn basqa qalaǵa kóshirý máselesin talqylaýda

2019 jylǵy 6 shilde 13:44 823
Bólisińiz:
Iran astanasyn basqa qalaǵa kóshirý máselesin talqylaýda

NUR-SULTAN. QazAqparat - Iranda astanany Tegerannan basqa qalaǵa kóshirý qyzý talqylanýda. Bul týraly Habar 24 habarlady.

Iranda astanany kóshirý máselesi qozǵalǵaly birneshe jyl boldy. Jergilikti depýtattardyń osy bastamasyn parlament ókilderi de qoldaǵan. Biraq ázirge sońǵy sheshim qabyldanǵan joq.

Qala mártebesin ózgertýdi, eń bastysy, onyń turǵyndary qoldap otyr. Olardyń pikirinshe, Tegerandaǵy ınfraqurylym qıyndap, halyq sany tym kóbeıip ketken. Beıresmı derekterge sensek, Iran astanasyna jan-jaqtan jumys isteýge kelýshiler sany aıtarlyqtaı ósken. Budan bólek, ekologııanyń lastanýy, seısmologııalyq qaýip-qater de ózekti máselelerdiń birine aınalǵan.

Qala salý mamany Ǵulamreza Rezaıdiń aıtýynsha, Tegeran astana retindegi óz qyzmetin tolyq atqara almaı keledi.

«Bizdiń joldarda únemi sumdyq keptelis bolady, tipti qoǵamdyq kólik te máseleniń sheshimi emes. Metro anaý aıtqandaı damymaǵan. Osynyń bárin ysyryp qoıǵanda da, Tegerannyń ornalasqan jeri seısmıkalyq qaýipti aımaqta. Qala tektonıkalyq qatparlardyń túıisken jerine oryn tepken. Jergilikti seısmologtar jylyna birneshe ret qýaty 6-8 balǵa jetetin dúmpý bolýy múmkindigin aıtyp dabyl qaǵady».

Rezaıdiń pikirin arhıtektor Álı Abbası de qoldaıdy.

«Tegeran mańynda jıi bolatyn jerasty dúmpýleri Álbroz taý jotasynyń ońtústik jaǵynda, taý tabanynyń astynda birshama energııa jınalyp qalǵanyn bildiredi. Eger ol syrtqa shyǵar bolsa, 7 baldyq zilzalanyń bolýy ábden múmkin», - deıdi ol.

Irannyń jańa astanasy 2 mıllıon turǵyny bar Tábrız bolýy múmkin.

 Aıta keteıik, Eldiń soltústik-batysynda ornalasqan Tábrız Irandaǵy kóne qalalardyń biri ári mádenı ortalyǵy.

 

 

Bizdiń kanalymyzǵa jazylyńyz:

Basty sózder: Álem, Qurylys,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT