Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Halyqaralyq «Álemdik júgirý» estafetasynyń qatysýshylary Qazaqstanda bolady

2016 jylǵy 4 shilde 21:28 10054
Bólisińiz:
Halyqaralyq «Álemdik júgirý» estafetasynyń qatysýshylary Qazaqstanda bolady

ALMATY. QazAqparat - 2016 jylǵy 2 shildeden 25 tamyzǵa deıingi aralyqta Qazaqstan Respýblıkasynyń aýmaǵynan Halyqaralyq «Álemdik júgirý» alaý estafetasynyń Azııa-Tynyq muhıt tarmaǵy ótedi, ol Qytaı, Mońǵolııa, Qazaqstan, Qyrǵyzstan. Reseıdi, sondaı-aq Ońtústik-Shyǵys Azııa men Muhıt elderin biriktiredi, dep habarlady Qazaqstan men Ortalyq Azııadaǵy estafeta úılestirýshileri.

«Álemdik júgirý» - sporttyq-gýmanıtarlyq shara, ol sportty, dene tárbıesin jáne salaýatty ómir saltyn  keńinen taratýǵa,  beıbitshilikke, dostyqqa, úılesim men birlikke úndeıdi. Olımpıadalyq stıldegi qatysýshylar janyp turǵan alaýdy izgi nıet sımvoly retinde qoldan qolǵa beredi.

Uıymdastyrýshylardyń aıtýynsha, oǵan daıarlyq deńgeıi men jasyna qaramastan árbir adam qatysa alady - bul úshin janyp turǵan alýdy alyp júrse, tipti ony qolyna ustap, óziniń izgi nıetin bildirip, beıbitshilk týraly tilegin jetkizse boldy.

«Álemdik júgirý» - eń uzaq alaý estafetasy. 1987 jyly negizi qalanǵan ol búginde 6 qurlyqta - Eýropada, Azııada, Soltústik jáne Ońtústik Amerıkada, Afrıkada jáne Avstralııada 140-tan astam elde ótkiziledi. Oǵan kóptegen elderdiń halyqtary - alty mıllıonnan astam adam qatysty. «Álemdik júgirý» dástúrli túrde Birikken Ulttar Uıymynyń shtab-páteri ǵımaratynan sórege shyǵady.

Álemdik júgirýge ártúrli kezeńde  kórnekti qoǵam qaıratkerleri Tereza ana, Dalaı Lama, Rım Papasy Ioann Pavel II, Arhıepıskop Desmond Týtý, Mıhaıl Gorbachev, Nelson Mandela, patshaıym Elızaveta II, hanshaıym Dıana, Muhammed Álı, Karl Lıýıs, Vıacheslav Fetısov, Aleksandr Karelın, Anatolıı Karpov, Nıkolaı Valýev, Vladımır Smırnov, Anatolıı Hrapatyı, Pol Makkartnı, Borıs Grebenıkov qatysty. .

1996 jyly ǵaryshker Gennadıı Strekalov estafetany ǵaryshqa jáne «Mır» orbıtalyq stansasyna jetkizip, amerıkandyq astronavtarǵa tapsyrdy. 2006 jyly estafeta alaýy Elbrýsta, al 2008 jyly Soltústik polıýste boldy.

2016 jyly Qazaqstandaǵy «Álemdik júgirý» Táýelsizdiktiń 25 jyldyq mereıtoıyna arnalady.

Uzyndyǵy 4 myń shaqyrymdyq estafetaǵa Jarkent (2 shilde), Almaty (6 shilde), Taldyqorǵan (13 shilde), Óskemen (18 shilde), Semeı (21 shilde), Pavlodar (24 shilde), Ekibastuz (26 shilde), Astana (28 shilde), Kókshetaý (23 tamyz), Petropavl (30 tamyz) jáne basqa da qalalar qatysady.  

 

 

Bizdiń kanalymyzǵa jazylyńyz:

Basty sózder: Sport, Álem,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT