Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Grýzııa parlamentine shabýyl: Іs «bılikti basyp alýǵa áreket» babyna aýystyryldy

2019 jylǵy 5 shilde 03:24 1374
Bólisińiz:
Grýzııa parlamentine shabýyl: Іs «bılikti basyp alýǵa áreket» babyna aýystyryldy

GRÝZIıA. QazAqparat - Grýzııa eliniń prokýratýrasy parlament ǵımaratyna shabýyl jasaýǵa qatysty qozǵalǵan isti «tóńkeris jasaýǵa áreket etý» babyna aýystyrdy, dep habarlaıdy QazAqparat «Grýzııa Online» saıtyna silteme jasap.

Grýzııanyń Bas prokýratýrasy jalǵasyp jatqan tergeý jumystary kezinde 20-21 maýsym kúnderi Tbılısıdegi parlament ǵımaratynyń aldynda belgili bir tulǵalar «bılikti basyp alý maqsatynda memlekettik tóńkeris uıymdastyrmaq bolǵanyn anyqtady».  

«Bul áreketti iske asyrýdyń alǵashqy kezeńinde parlament ǵımaratyn shabýylmen alý kózdeldi. Keıin, bılikti basyp alý boıynsha odan arǵy is-áreketter jalǵaspaq bolǵan. Bul áreketke quqyqqorǵaý organdary tosqaýyl boldy», - delingen beısenbi kúni jarııalanǵan prokýratýranyń málimetinde.

Qujatta atap ótilgendeı, tergeý Grýzııa Qylmystyq kodeksiniń 225-inshi (jappaı tártipsizdikterdi uıymdastyrý) jáne 315-inshi (eldiń konstıtýtsııalyq qurylymyn kúshpen ózgertý maqsatynda astyrtyn sóz baılasý nemese búlik shyǵarý) baptary boıynsha jalǵasady. 

Buǵan deıin basylym Grýzııanyń ishki ister vıtse-mınıstri Vladımır Bortsvadzege silteme jasap, aktsııa kezinde top bolyp kúsh kórsetti degen kúdikpen 4 adam ustalǵanyn habarlady.

«Іshki ister mınıstrliginde 2019 jyldyń 20-21 maýsymynda parlament ǵımaratynyń aldynda bolǵan oqıǵalarǵa baılanysty tergeý qarqyndy júrgizilýde... Atalmysh is aıasynda sot úkimi negizinde  top bolyp kúsh kórsetý aıybymen búgin (4 shilde - red.) taǵy 4 adam ustaldy.  Qylmys 6-dan 9 jylǵa deıin bas bostandyǵynan aıyrýdy kózdeıdi. (...) Tergeý kezinde anyqtalǵandaı, 20-21 maýsym kúnderi parlament aldyndaǵy aýmaqta atalmysh tulǵalar top bolyp kúsh kórsetýlerge qatysqan. Bul rette olar túrli zattardy paıdalana otyryp, polıtseılerge shabýyl jasaǵan, olarǵa qarsylyq kórsetken», - dep keltiredi portal vıtse-mınıstrdiń sózin. 

Eske salaıyq, 20 maýsym kúni Grýzııada Úkimet músheleriniń otstavkaǵa ketýin talap etkender parlament ǵımaratyna shabýyl jasady. Ereýildi basý úshin polıtsııa kóz jasaýratatyn gaz, rezeńke oqtar jáne sýatqyshtardy qoldanýǵa májbúr boldy.

Tártipsizdikter 20 maýsym kúni Reseı delegatsııasynyń Tbılısıde ótken Pravoslavıe parlamentaralyq Bas assambleıasyna qatysýynan keıin bastaldy. Delegatsııany bastap kelgen RF Memlekettik Dýmasynyń depýtaty Sergeı Gavrılovtyń sessııa kezinde Grýzııa Parlamenti spıkeriniń kreslosyna otyryp, jınalǵandarǵa orys tilinde sóılegeni oppozıtsııanyń narazylyǵyn týdyrǵan. Muny qorlaý dep baǵalaǵan Grýzııanyń oppozıtsııalyq depýtattary narazylyqtaryn bildirip, Bas assambleıanyń jumysyn toqtatty.

Frans press agenttiginiń habarlaýynsha, 10 myńǵa jýyq adam Parlament ǵımaratynyń aldyna jınalyp, polıtsııanyń qurǵan shebin jaryp ótip, Parlament spıkeri Iraklıı Kobahıdze jáne basqa da resmı tulǵalardyń otstavkaǵa ketýin talap etken.

 

 

 

 

 

Bizdiń kanalymyzǵa jazylyńyz:

Basty sózder: Álem,
Bólisińiz:

Aýdarma:

Mıra Tólendiqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT