Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Ǵalamdy zertteýge arnalǵan observatorııa Baıqońyrdan ushyrylady

2019 jylǵy 10 shilde 02:47 854
Bólisińiz:
Ǵalamdy zertteýge arnalǵan observatorııa Baıqońyrdan ushyrylady

BAIQOŃYR. QazAqparat - 9 shildede «Proton-M» zymyrantasyǵyshy «Spektr-RG» reseılik observatorııasymen birge Baıqońyr ǵarysh aılaǵyna jetkizilip, ornatyldy, dep habarlaıdy QazAqparat tilshisi Roskosmostyń baspasóz qyzmetine silteme jasap.

Aıta keteıik, «Spektr-RG» observatorııasyn ushyrý 21 maýsymnan 12 shildege qaldyrylǵan bolatyn. Óıtkeni, daıyndyqtyń sońǵy satysynda bir rettik hımııalyq tok kózderiniń biriniń iske qosý tsıklogrammasynan aqaý tabylǵan edi.

Reseılik BAQ málimetinshe, zymyrandy ushyrýǵa daıyndaý kezinde tsıklogrammadaǵy qatelikten ǵarysh apparatynyń qyzdyrǵyshy ýaqytynan buryn qosylyp, saldarynan hımııalyq tok kózi «otyryp qalǵan». Tok kózi bir ret qana paıdalanýǵa jaraıtyndyqtan, ony almastyrý úshin zymyrandy montajdaý-synaq korpýsyna qaıtarýǵa týra keldi. Baıqońyr ǵarysh aılaǵynda mamandar observatorııanyń saparyn keıinge qaldyrýǵa sebep bolǵan barlyq aqaýdy joıdy. Odan bólek, tsıklogramma da túzetilgen.

«Proton-M» zymyrantasyǵyshy 12 shilde kúni, jergilikti ýaqytpen saǵat 17:31-de ushyrylady dep josparlanyp otyr.

«Spektr-Rentgen-Gamma» («Spektr-RG») observatorııasy - Reseı men Germanııa birigip iske asyryp otyrǵan halyqaralyq joba. Onyń maqsaty - ǵalamdy rentgen dıapazonynda zertteýge arnalǵan orbıtalyq astrofızıkalyq observatorııa qurý. 



Avtor: Sara Qabıqyzy

 

 

 

Bizdiń kanalymyzǵa jazylyńyz:

Basty sózder: Ǵylym, Ǵarysh, Reseı, Baıqońyr,
Bólisińiz:

Aýdarma:

Janat Qapalbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT