Ǵalymdar kesh tamaqtanýdyń qaýipti ekenin anyqtady

ASTANA. QazAqparat - Kesh tamaqtaný adamnyń bıologıalyq yrǵaǵynyń buzylýy saldarynan júrek-qan tamyrlary aýrýy men dıabetke ákelip soqtyrýy múmkin. Amerıka kardıologıalyq qaýymdastyǵynyń ǵalymdary osyndaı tujyrym jasaǵan. Zertteý nátıjeleri LiveScience portalynda jarıalandy, dep habarlaıdy QazAqparat.

Eksperıment 18-76 jas aralyǵyndaǵy 12,7 myń latynamerıkalyqqa júrgizilgen medıtsınalyq tekserý nátıjesine negizdelgen. Onyń barysynda dárigerler eki kún boıy olardyń densaýlyǵy men tamaqtaný ýaqytyn salystyrǵan.

Zertteýshiler eksperımentke qatysyp jatqandardyń basym bóliginiń 18.00-den keıin tamaqtanatyndyǵyn anyqtaǵan. Sonyń saldarynan olarda qant deńgeıi jáne qandaǵy ınsýlın joǵary bolǵan.

Kesh tamaqtanýdy unatatyndardyń 19%-y dıabetaldy jáne 23%-y gıpertonıanyń damýyna beıim keledi.

Zertteýdiń avtory, postdoktorant Nýr Makaremniń pikirinshe, bul salaýatty emes ómir salty saldarynan adamnyń bıologıalyq yrǵaǵynyń buzylýymen túsindiriledi. Sonyń saldarynan zat almasý buzylyp, sozylmaly aýrýlar qaýpi joǵarylaıdy.