Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Fýtboldan Eýropa lıgasy: «Tobyl» Lıýksembýrgten oljaly orala ma

2019 jylǵy 10 shilde 14:55 742
Bólisińiz:
Fýtboldan Eýropa lıgasy: «Tobyl» Lıýksembýrgten oljaly orala ma

NUR-SULTAN. QazAqparat - Búgin fýtboldan UEFA Eýropa lıgasy birinshi irikteý kezeńinde Qostanaıdyń «Tobyly» syrt alańda Lıýksembýrgtiń «Jeness Esh» komandasymen kezdesedi, dep habarlaıdy QazAqparat tilshisi.

«Tobyl» eýrokýbok oıyndaryna jıi qatysyp keledi. Búgingi kúnge deıin bir márte UEFA Chempıondar lıgasy irikteý kezeńinde baq synaǵan bolatyn. Al UEFA Eýropa lıgasy irikteý kezeńine bıyl altynshy márte qatysady. Ázirge komanda eýrokýbok oıyndarynyń toptyq kezeńine shyǵa alǵan joq.

«Jeness Esh» komandasy da óz eliniń tájirıbeli klýbtarynyń biri sanalady. 1907 jyly qurylǵan klýb Lıýksembýrgtiń 20 dúrkin chempıony atanǵan. Komanda óz elinde alǵash ret 1921 jyly alǵash ret altyn medalge qol jetkizgen edi. Sońǵy márte 2010 jyly chempıondyq tuǵyrǵa kóterildi.

Sondaı-aq, sol eldiń kýbok oıyndarynda 13 márte jeńimpaz atandy. Komanda eýrokýbok oıyndarynda negizinen birinshi irikteý kezeńinen asa almaıdy. Tek 2013/2014 jylǵy alamanda alǵashqy kezeńde Fınlıandııanyń TPS komandasyn orta jolda qaldyryp ketti. Degenmen jarystyń kelesi satysynda Latvııanyń «Ventspıls» klýbyna jol berip qoıdy.

Klýb jankúıerleri 1959 jyly Chempıondar kýbogyndaǵy Polshanyń «Lodz» komandasymen ótken kezdesýdi jıi aıtyp otyrady. Olar polıak komandasyn óz alańynda 5:0 esebimen tize búktirip, syrt alańda 1:2 esebimen jeńilip qaldy. Qos oıynnyń nátıjesimen jarystyń kelesi satysynda Ispanııanyń «Real Madrıd» komandasymen kezdesti. Olarǵa laıyqty qarsylyq kórsete alǵan joq. Óz alańynda 0:7 esebimen jeńilip, syrt alańda 2:5 esebimen qarsylastyń yǵyna jyǵyldy.

«Jeness Esh» negizinen óz túlekterine senim artady. Degenmen komanda quramynda Frantsııa, Germanııa, Senegal, Benın, Chernogorııa, Portýgalııa, Marokko fýtbolshylary da oıyn oınaıdy. Atalmysh klýbqa frantsýz mamany Nıkolas Haısman bapkerlik jasaıdy. Ol 1994-2002 jyldarda Frantsııanyń «Dıýnkerk», «Mets», «Kan», «Gavr», «Kreteı» klýbtarynyń namysyn qorǵady. 2002 jyldan beri bapkerlikpen aınalysyp júrgen ol  2002-2016 jyldarda «Dıýnkerk» komandasynda bapkerlik jáne basqa da qyzmetter atqardy. Al frantsýz mamany «Jenees Esh» klýbynyń tizginin bıyl ustady.

«Jeness Esh» jáne «Tobyl» komandalary arasyndaǵy kezdesý Nur-Sultan ýaqytymen 22.00-de bastalady.

«Tobyl» komandasy atalmysh qarsylasyn jeńip qaıtýdy josparlap otyr. Qarymta oıyn 18 shildede Qostanaıda ótkiziledi. Bul jupta jeńimpaz atanǵan komanda ekinshi irikteý kezeńinde Portýgalııanyń Gımaraınsh qalasynyń «Vıtorııa» komandasymen 25 shilde jáne 1 tamyz kúnderi oınaıdy.

Esterińizge sala ketelik, keshe UEFA Chempıondar lıgasy birinshi irikteý kezeńinde elordalyq «Astana» Rýmynııanyń ChFR komandasynan 1:0 esebimen basym tústi.

Al 11 shildede UEFA Eýropa lıgasy birinshi irikteý kezeńinde Shymkenttiń «Ordabasysy» Grýzııanyń «Torpedo» (Kýtaısı) klýbyn qabyldasa, Almatynyń «Qaıraty» syrt alańda Bosnııa jáne Gertsogovınanyń «Shırokı Brıeg» klýbymen sheberlik baıqasady.

 

Foto: vk.com/fctobol

Bizdiń kanalymyzǵa jazylyńyz:

Basty sózder: Sport, Qoǵam,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT