Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Fıderlik jelimen alǵashqy qazaqstandyq júk kemesi Bakýge attandy

2019 jylǵy 16 sáýir 19:00 1089
Bólisińiz:
Fıderlik jelimen alǵashqy qazaqstandyq júk kemesi Bakýge attandy

AQTAÝ. QazAqparat - Búgin Aqtaý teńiz portynan fıderlik jelimen alǵashqy júk jóneltildi. Aýylsharýashylyq ónimderi tıelgen qazaqstandyq «Túrkistan» kemesi Bakýge attanady, dep habarlaıdy QazAqparat tilshisi.

«Túrkistan» kemesi salmaǵy eki tonnalyq konteınerlerdiń 225-in syıdyra alady. Joba júk tasymalyn 10% arttyrýǵa múmkindik bermek.

Fıderlik jeliniń ereksheligi - eksporttyq júkter jedel jetkiziledi. Qatynaý ýaqyty qysqa. Máselen, astyq ónimderi Bakýge 2 kúnde, ózge de tranzıttik júkter Túrkııa arqyly Eýropa elderine 16 táýlikte tasymaldanady. Júkter burynǵydaı portta kezek kútpeı, kemege birden tıeledi. Endi «Túrkistannan» bólek, taǵy 3 keme kestege saı, aptasyna bir ret turaqty túrde Kaspıı aıdynyna jiberilmek.

Búgin jolǵa shyqqan «Túrkistan» júk kemesine bıdaı men burshaq toly konteınerler tıeldi.  Sý kemesi taýardy Kaspıı aıdynyndaǵy Baký portyna jetkizedi. Osylaısha, Qazaqstandyq ónim ári qaraı Eýropaǵa jóneltiledi.

«Ózderińiz bilesizder,elimizdiń tranzıttik áleýetin damytýǵa erekshe nazar aýdarylýda. Mańǵystaý óńiri - teńiz ınfraqurylymyn shoǵyrlandyrý jáne paıdalaný ortalyǵy bola otyryp, halyqaralyq ekonomıkalyq yntymaqtastyqty arttyrýǵa da úles qosyp jatyr. Fıderlik jelini iske qosý arqyly Aqtaý porty arqyly tıelgen júk kólemi bıyl 10%, 2020 jyly 22% artady. Budan bólek, kóptegen sheteldik ınvestorlardy tartýǵa jol ashylady», - dedi jobanyń iske qosylýyna arnalǵan sharada «Samuryq-Qazyna» Ulttyq ál-aýqat qory» AQ Basqarma tóraǵasy Ahmetjan Esimov.


Fıderlik jelimen alǵashqy qazaqstandyq júk kemesi Bakýge attandy 

Jobanyń mańyzdylyǵyn «Qazaqstan temir joly» UK» AQ Basqarma tóraǵasy Saýat Myńbaev ta atap ótti.

«Bul mańyzdy úlken joba. Olaı bolatyny, sonaý Shyǵys Qytaıdyń Lıanıýnganynan bastalǵan júkter barlyq Qytaıdyń terrıtorııasymen,  bizdiń eldiń aýmaǵynan  ótip, osy fıderlik kememen Kavkaz memleketterine, Túrkııaǵa, qara teńizdiń mańaıyndaǵy Eýropalyq memleketterge barady»,-dedi ol.


Fıderlik jelimen alǵashqy qazaqstandyq júk kemesi Bakýge attandy 

Shara sońynda «Qazaqstan temir joly» AQ men «QazMunaıGaz» AQ arasynda qurǵaq júkterdi tasymaldaý jóninde kelisimge qol qoıyldy.


Fıderlik jelimen alǵashqy qazaqstandyq júk kemesi Bakýge attandy 

 

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT