Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

Eýropa odaǵy Irandy ıadrolyq kelisimderdi buzatyn áreketterden bas tartýǵa shaqyrdy

2019 jylǵy 3 shilde 15:58 515
Bólisińiz:
Eýropa odaǵy Irandy ıadrolyq kelisimderdi buzatyn áreketterden bas tartýǵa shaqyrdy

BRıÝSSELЬ. QazAqparat - Ulybrıtanııa, Germanııa jáne Frantsııanyń syrtqy ister mınıstrleri, sondaı-aq EO dıplomatııasynyń basshysy resmı Tegerandy Irannyń ıadrolyq baǵdarlamasy boıynsha Jan-jaqty qamtylǵan birlesken is-qımyldar josparyn buzatyn áreketterden bas tartýǵa shaqyrdy, dep habarlaıdy «QazAqparat» HAA-nyń menshikti tilshisi.

Olar Irannyń az baıytylǵan ýran qorlarynyń 300 kılogramdyq sheginen asyp ketýine alańdap otyr. Osy meje Iran men BUU Qaýipsizdik keńesiniń bes turaqty múshesi jáne Germanııa arasyndaǵy kelisimde - Jan-jaqty qamtylǵan birlesken is-qımyldar josparynda kórsetilgen.

«Bizdiń ıadrolyq mámileni saqtaýymyz tolyǵymen ony Irannyń saqtaýyna baılanysty. Irannyń osyndaı sheshimge kelgenine alańdap otyrmyz», - deıdi eýropalyq dıplomattar.

Ulybrıtanııa, Germanııa, Frantsııa jáne EO Irandy budan ári ıadrolyq kelisimderdi buzatyn áreketterden bas tartýǵa shaqyrdy.

Aıta keteıik, 1 shilde kúni Iran 3,67 paıyzǵa deıin baıytylǵan ýran qorlarynyń mejeden asyp ketkenin jarııalady. Tegeran buǵan deıin taǵy birneshe sharttardy buzýǵa ázir ekenin bildirgen. Iran tarapynyń aıtýynsha, bul áreketter AQSh sanktsııalaryna jaýap retinde istelip otyr.

Avtor: Tımýr Dúısekeev

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT