Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.51 EUR 418.91
RUB 6.13 CNY 54.90
Jańalyqtar

Eýropa lıgasy: «Tobyl» Lıýksembýrg komandasymen teń tústi

2019 jylǵy 10 shilde 23:50 502
Bólisińiz:
Eýropa lıgasy: «Tobyl» Lıýksembýrg komandasymen teń tústi

NUR-SULTAN. QazAqparat - Fýtboldan UEFA Eýropa lıgasy birinshi irikteý kezeńindegi Qostanaıdyń «Tobyly» men Lıýksembýrgtiń «Jeness Esh» komandalary arasyndaǵy alǵashqy oıyn máresine jetti, dep habarlaıdy QazAqparat tilshisi.

«Tobyl» eýrokýbok oıyndaryna jıi qatysyp keledi. Búgingi kúnge deıin bir márte UEFA Chempıondar lıgasy irikteý kezeńinde baq synaǵan bolatyn. Al UEFA Eýropa lıgasy irikteý kezeńine bıyl altynshy márte qatysady. Ázirge komanda eýrokýbok oıyndarynyń toptyq kezeńine shyǵa alǵan joq.

«Jeness Esh» komandasy da óz eliniń tájirıbeli klýbtarynyń biri sanalady. 1907 jyly qurylǵan klýb Lıýksembýrgtiń 20 dúrkin chempıony atanǵan.

«Tobyldyń» bas bapkeri Vladımır Gazzaev alǵashqy kezeńde Emıl Balaev, Nıkıta Bocharov, Vıktor Dmıtrenko, Fernander Kassaı, Djaba Kankava, Rýslan Valıýllın, Artýras Jýlpa, Nıka Kvekveskırı, Azat Nurǵalıev, Mıhaıl Gordeıchýk jáne Senın Sebaı sekildi jigitterge senim artty.

Olarǵa «Jeness Esh» komandasynan Kevın Somme, Emmanıýel, Erve Lıaper, Alessandro Foranı, Mılosh Todorovıch, Iohannes Shteınbah, Lýka Dýrıattı,  Davıd de Soýza, Halım-Medı Meddýr, Arsen Menssý, ıAnnık Makota, Almır Klıtsa qarsy shyqty.

Boljam jasaıtyn mamandar bul kezdesýde «Tobyl» jeńiske jetedi degen joramal jasady. Solaı bolarlyq jóni bar. «Jeness Esh» búgingi deıin eýrokýbok oıyndarynda tolaıym tabysymen kózge túse qoıǵan joq. Al «Tobyl» quramynda tájirıbeli oıynshylar sany jeterlik. Olardyń barlyǵy derlik mundaı básekelerde tájirıbe jınaqtap úlgergen.

Soǵan qaramastan «Jeness Esh» komandasy «Tobylǵa» laıyqty qarsylyq kórsete bildi. Birinshi kezeńde esep ashylǵan joq. Alań ıeleri men qonaqtar da gol soǵatyn múmkindikterdi izdedi. Degenmen óz degenderine jete almady.

Ekinshi kezeńde oıyn barysy dál osyndaı kóriniste órbip jatty. Qos komandanyń da esep ashatyn múmkindigi boldy. Oıynnyń ekinshi kezeńinde Mıhaıl Gordeıchýkti Baýyrjan Turysbek, Senan Sebaıny Maksım Fedın almastyrdy. Kezdesý 0:0 esebimen teń aıaqtaldy.

Endi joldama taǵdyry ekinshi kezdesýde sheshiledi. Qarymta oıyn 18 shildede Qostanaıda ótkiziledi. Bul jupta jeńimpaz atanǵan komanda ekinshi irikteý kezeńinde Portýgalııanyń Gımaraınsh qalasynyń «Vıtorııa» komandasymen 25 shilde jáne 1 tamyz kúnderi oınaıdy.

Esterińizge sala ketelik, keshe UEFA Chempıondar lıgasy birinshi irikteý kezeńinde elordalyq «Astana» Rýmynııanyń ChFR komandasynan 1:0 esebimen basym tústi

Al 11 shildede UEFA Eýropa lıgasy birinshi irikteý kezeńinde Shymkenttiń «Ordabasysy» Grýzııanyń «Torpedo» (Kýtaısı) klýbyn qabyldaıdy. Bul kezdesý Nur-Sultan ýaqytymen 20.00-de bastalady. Oıyn Qazsport telearnasynan tikeleı efırde kórsetiledi.

Almatynyń «Qaıraty» syrt alańda Bosnııa jáne Gertsogovınanyń «Shırokı Brıeg» klýbymen sheberlik baıqasady. Kezdesý Nur-Sultan ýaqytymen 01.00-de bastalady.

 

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT