Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Eýropa lıgasy: «Ordabasy» Grýzııanyń klýbyn jeńdi

2019 jylǵy 11 shilde 22:01 518
Bólisińiz:
Eýropa lıgasy: «Ordabasy»  Grýzııanyń klýbyn  jeńdi

NUR-SULTAN. QazAqparat - Búgin fýtboldan UEFA Eýropa lıgasy birinshi irikteý kezeńinde Shymkenttiń «Ordabasy» klýby óz alańyndaǵy Grýzııanyń «Torpedo» (Kýtaısı) komandasymen alǵashqy kezdesýi máresine jetti, dep habarlaıdy QazAqparat tilshisi.

«Ordabasy» komandasynyń bas bapkeri Kahaber Tshadadze alǵashqy mınýttan Dmıtrıı Nepogodov, Mardan Tólebek, Pablo Fontanello, Temirlan Erlanov, Sergeı Malyı, Tımýr Dosmaǵambetov, Abdýllaı Dıakate, Maı Mahlangý, Mırzad Mehanovıch, Joao Paýlo men Toqtar Janǵylyshbaıdy shyǵardy,

Al «Torpedo» sapynda Roın Kvashvadze, Vaja Tabatadze, Davıd Hýrtsılava, Anrı Chıchınadze, Tsotne Nadaraıa, Mate Tsıntsadze, Papýna Ponıava, Vahtang Nebıerıdze, Temýr Chogadze, Zaza Tsıtskıshvılı jáne Tornıke Kapanadze oıyn bastalǵannan jasyl alań tórinen kórindi.

Búgingi kezdesý «Ordabasynyń» basymdyǵymen ótti. Degenmen oıyn barysy baıaý júrdi. Dop negizinen alań ortasynda kóbirek júrgeni ras. Alǵashqy jıyrma mınýtqa deıin eki komanda tarapynan da qaýipti shabýyl kózge túse qoıǵan joq. Al 40-mınýtta shymkenttik shabýylshy Joan Paolo qarsylastar qaqpasyna dop baǵyttady. Degenmen ol dittegen maqsatyna jete alǵan joq.

Ekinshi kezeńde alań ıeleri gol soǵý múmkindigin kóbirek izdedi. Soǵan qaramastan olar mergendigimen kózge túse alǵan joq. Oıynnyń 50-mınýtynda shymkenttikter tarapynan belsendi qımyl kóbirek kózge túsip jatty. «Ordabasynyń» bas bapkeri 55-mınýtta shabýyl shebin kúsheıte tústi. Qorǵaýshy Mardan Tólebekti shabýylshy Zıkı Badıbanga almastyrdy. Budan keıin 67-mınýtta jartylaı qorǵaýshy Mırzad Mehanovıchtiń ornyn shabýylshy Alekseı etkın basty. Sol sátte oń qanattan berilgen buryshtama dobyn «Ordabasy» oıynshysy Temirlan Erlanov baspen qaqpaǵa soǵyp ketti. Bul gol «Ordabasyǵa» jeńis alyp keldi. Shymkenttik klýb qarsylasynan 1:0 esebimen basym tústi.

Sondaı-aq, búgin, 11 shildede Almatynyń «Qaıraty» syrt alańda Bosnııa jáne Gertsogovınanyń «Shırokı Brıeg» klýbymen sheberlik baıqasady.  Kezdesý Nur-Sultan ýaqytymen 01.00-de bastalady. Oıyn Qazsport telearnasynan tikeleı efırde kórsetiledi.

Aıta ketelik, 10 shildede Qostanaıdyń «Tobyly» Eýropa lıgasy birinshi irikteý kezeńinde syrt alańda Lıýksembýrgtiń «Jeness Esh» komandasymen 0:0 esebimen teń tústi.

Eske salsaq, keshe UEFA Chempıondar lıgasy birinshi irikteý kezeńinde elordalyq «Astana» Rýmynııanyń ChFR komandasynan 1:0 esebimen basym tústi.

 

 

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT