Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Eýropa lıgasy: «Qaırat» syrt alańda jeńiske jetti

2019 jylǵy 12 shilde 02:58 638
Bólisińiz:
Eýropa lıgasy: «Qaırat» syrt alańda jeńiske jetti

NUR-SULTAN. QazAqparat - Búgin fýtboldan UEFA Eýropa lıgasy birinshi irikteý kezeńinde Almatynyń «Qaıraty» syrt alańda Bosnııa jáne Gertsogovınanyń «Shırokı Brıeg» komandasymen alǵashqy kezdesýin ótkizdi, dep habarlaıdy QazAqparat tilshisi.

«Qaırattyń» bas bapkeri Alekseı Shpılevskıı alǵashqy mınýttan Stas Pokatılov, Ǵafýrjan Súıimbaev, Rade Dýgalıch, Eldos Ahmetov, Dıno Mıkanovıch, Aıbol Ábiken, Ramazan Orazov, Georgıı Jýkov, Konrad Vrjeınskıı, Baýyrjan Islamhan, Aderınsola Eseola syndy jigitterdi shyǵardy.

Al «Shırokı Brıeg» quramynda Martın Zlomıslıch, Iosıp Kvesıch, Bernardo Matıch, Domınık Kovachıch, Dıno Chorıch, Mateo Marıch, Ivan Enın, Mato Stanıch, Marıo Babıch, Tonı Iovıch jáne Drajen Bagarıch boldy.

Alǵashqy kezeńde «Qaırat» basym oınady. Syrt alańda dop tepkenine qaramastan tizgindi óz qolyna alýǵa tyrysty. Birinshi kezeńde alań ıeleri negizinen qorǵanysta júrýge májbúr boldy.. Oıynnyń 29-mınýtynda almatylyq shabýylshy Aderınsola Eseola qaqpashymen betpe-bet shyqty. Mundaı múmkindikti tájirıbeli fýtbolshy múlt jibergen joq. Dop qarsylastar qaqpasynda týlap jatty.

Budan keıin alań ıeleri es jıǵandaı boldy. Olar shabýyl shebinde jıi boı kórsetip turdy. Kóp uzamaı tarazy basyn teńestirip ketti. Ony Ivan Enın sheber oryndady. Tarazy basy teńeskennen keıin eki komanda da oıyn qarqynyn báseńdetip aldy. Birinshi kezeń 1:1 esebimen teń aıaqtaldy.

Oıynnyń ekinshi jartysy eki komandanyń alma-kezek shabýylymen órbidi. Ásirese, «Qaırattyń» belsendiligi aıqyn ańǵarylyp turdy. Matchtyń 56-mınýtynda jas oıynshy Aıbol Ábikendi tájirıbeli fýtbolshy Islambek Qýat almastyrdy. Kóp uzamaı alań ıeleri qaqpasyna aıyp doby belgilengen edi. Sol sátte bosnııalyq qaqpashy qatelik jiberip, ony almatylyq shabýylshy Aderınsola Eseola óz paıdasyna jaratyp ketti. Oıynda «Qaırat» 2:1 esebimen jeńiske jetti.

Búgin Eýropa lıgasy birinshi irikteý kezeńinde Shymkenttiń «Ordabasy» komandasy óz alańynda Grýzııanyń «Torpedo» (Kýtaısı) komandasyn 1:0 esebimen tize búktirdi.

Al 10 shildede Qostanaıdyń «Tobyly» Eýropa lıgasy birinshi irikteý kezeńinde syrt alańda Lıýksembýrgtiń «Jeness Esh» komandasymen 0:0 esebimen teń tústi.

Esterińizge sala ketelik, keshe UEFA Chempıondar lıgasy birinshi irikteý kezeńinde elordalyq «Astana» Rýmynııanyń ChFR komandasynan 1:0 esebimen basym tústi.

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT