Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Erbolat Ospanov «Baspana» ıpotekalyq uıymyna basshylyqqa keldi

2019 jylǵy 5 maýsym 12:21 707
Bólisińiz:
Erbolat Ospanov «Baspana» ıpotekalyq uıymyna basshylyqqa keldi

NUR-SULTAN. QazAqparat - Erbolat Ospanov «Baspana» ıpotekalyq uıymy» AQ basqarma tóraǵasy bolyp saılandy, dep habarlaıdy QazAqparat kompanııanyń baspasóz qyzmetine silteme jasap.

QR Ulttyq Bankiniń sheshimimen 2019 jylǵy 5 maýsymnan bastap Erbolat Serikuly Ospanov «Baspana» ıpotekalyq uıymy AQ  basqarma tóraǵasy bolyp saılandy.

Erbolat Ospanovtyń qarjy sektorynda jáne munaı salasynda basshylyq laýazymdarda jumys tájirıbesi bar.

2017 jyldan bastap Erbolat Ospanov «Qazaqstan Ipotekalyq Kompanııasy» IU» AQ-tyń táýelsiz dırektory laýazymyn (SEO) atqardy. Ár túrli ýaqytta ol «Borgata Mayer Inc.» kompanııasynda SEO (bas dırektor); «KMG Kashagan B.V.» JShJK-da dırektordyń syrtqy baılanystar jónindegi orynbasary; «Adjıp Qazaqstan Nort Kaspıan Opereıtıng Kompanı B.V.» kompanııasynda Jergilikti qamtýdy damytý departamentiniń dırektory; «QazMunaıGaz» saýda úıi» AQ-tyń Astana fılıaly dırektorynyń orynbasary; «Alma-Treıdıng» JShS atqarýshy dırektory; «Qazaqshetsaqtandyrý» JAQ Basqarma Tóraǵasy; «Ónerkásiptik saqtandyrý toby» AAQ Prezıdenti jáne basqa da laýazymdarda jumys istedi.

Erbolat Ospanov 1967 jylǵy 25 mamyrda dúnıege kelgen. S.M. Kırov atyndaǵy Qazaq Memlekettik Ýnıversıtetin «Matematıka» mamandyǵy boıynsha, Qazaqtyń Memlekettik Basqarý Akademııasyn «Qarjy jáne kredıt» mamandyǵy boıynsha jáne Los-Andjeles ýnıversıtetin, Kalıfornııa UCLA, MBA baǵdarlamasy boıynsha aıaqtady.

QR Ulttyq Banki - «Baspana» ıpotekalyq uıymy» AQ-tyń jalǵyz aktsıoneri. «Baspana» ıpotekalyq uıymy» «7-20-25» baǵdarlamasynyń operatory retindegi negizgi mindeti - ıpotekalyq turǵyn úı qaryzdary boıynsha talap etý quqyqtaryn satyp alý arqyly ıpotekalyq turǵyn úı kredıtteý naryǵynyń qatysýshylaryn qaıta qarjylandyrý.

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT