Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Elordalyqtar Arysta búlingen 500 úıdi jóndep beredi

2019 jylǵy 27 maýsym 10:43 1352
Bólisińiz:
Elordalyqtar Arysta búlingen 500 úıdi jóndep beredi

NUR-SULTAN. QazAqparat - Búgin Nur-Sultan qalasynan Arysqa qurylys materıaldarynyń alǵashqy legi attanady. Elordalyqtar jarylystan zaqym kelgen 500 úıdi jóndep berýge mindet alyp otyr, dep habarlaıdy QazAqparat tilshisi.

Bul týraly búgin Nur-Sultan qalalyq Qazaqstan halqy Assambleıasynyń kezekti sessııasynda aıtyldy.

Elordalyq QHA tóraǵasy Altaı Kólginovtyń aıtýynsha, jarylys bolǵan kúnnen bastap astanalyqtar arnaıy shotqa tek birkúndik eńbekaqy esebinen 200 mln teńge aýdarǵan.

«Arysqa búkil el bolyp kómektesip jatyr. Qalalyq Dostyq úıinde kómek jınaıtyn ortalyq ashyldy. Turǵyndar belsendilik tanytýda. Ásirese, Assambleıa músheleri belsendi. «Nur-Sultan Aryspen birge!» degen aktsııa jarııaladyq. Búgin qala ákiminiń orynbasary bastaǵan kómekshi toptyń alǵashqy legi Arysqa ushady. Onyń quramynda qurylys mamandary men merdiger uıym ókilderi bar. Bizge tıgen turǵyn úı sektorynda 500 úı ornalasqan. Sony jóndep, arystyq otandastarymyzǵa ótkizýimiz kerek. Jóndeý jumystary búgin-aq bastalyp ketetinin senimmen aıtamyn», - dedi Altaı Kólginov.

Onyń aıtýynsha,  «Nurly astana» qory  Arysqa kómek kórsetý úshin gýmanıtarlyq kómek jınap jatyr. Bul iske elordalyq kásipkerler úles qosýda.

«Buǵan qosa, arystyq 500 balany astanaǵa shaqyryp otyrmyz. Olardy elordaǵa ákelip, kórikti jerlerdi aralatamyz, túrli mádenı sharalar uıymdastyramyz», - dedi ol.

 

 

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT