Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Elordada etnostardyń ınteraktıvti kartasy jasaldy

2019 jylǵy 11 maýsym 16:36 2196
Bólisińiz:
Elordada etnostardyń ınteraktıvti kartasy jasaldy

NUR-SULTAN. QazAqparat - Nur-Sultan qalasynyń Dostyq úıinde elorda assambleıasynyń qoldaýymen, Sh.Ýálıhanov atyndaǵy tarıh jáne etnologııa ınstıtýty «Rýhanı jańǵyrý» memlekettik baǵdarlamasynyń jáne «Uly dalanyń jeti qyry» maqalasynyń iske asyrylýy aıasynda «Qazaqstan halqy» ınteraktıvti ǵylymı tarıhı kartasynyń» tanystyrylymyn ótkizdi, dep habarlaıdy QazAqparat qala ákimdiginiń resmı saıtyna silteme jasap. 

Іs-sharaǵa Nur-Sultan qalasy QHA etnomádenı birlestikteriniń ókilderi, ǵalymdar, qoǵam jáne memleket qaıratkerleri men jastar qanaty qatysty. Tusaýkeserde Sh.Ýálıhanov atyndaǵy tarıh jáne etnologııa ınstıtýtynda Geografııa ınstıtýtymen jáne QR Bilim jáne ǵylym mınıstrligi Ǵylym komıteti Aqparattyq jáne esepteýish tehnologııalar ınstıtýtymen birlesip daıyndalǵan Interaktıvti ǵylymı tarıhı karta tanystyrylady.

Karta Elbasy N.Nazarbaevtyń 2017 jylǵy 26 sáýirdegi Qazaqstan halqy Assambleıasynyń HHV sessııasynda bergen tapsyrmasy boıynsha daıyndaldy. Kartanyń maqsaty – qazaq ultynyń erekshe memleketti uıystyrýshy mıssııasymen ejelgi qazaq jerindegi barlyq ulttardyń uıysý úderisin tolyq dál kórsetý.

Ǵylymı karta úsh tilde oryndalǵan jáne ejelden búginge deıin Qazaqstannyń polıetnostyq halqynyń qalyptasýy týraly aýqymdy materıaldan turady, qazaq halqymen beıbitshilik pen kelisimde ómir súrip jatqan 50-den asa etnostyq top ókilderi týraly, arhıv jáne statıstıkalyq málimetter negizindegi astana tarıhy týraly  qundy aqparat beredi. Kartany ǵalamtor jelisinen árdaıym jańa aqparatpen tolyqtyrylyp turatyn map.assembly.kz saıty arqyly erkin kórýge bolady.

Sonymen qatar, ótken jyly ınstıtýttyń «Jas ǵalymdar keńesi» edu.e-history.kz elektrondy ǵylymı jýrnalyn iske qosty. Elektrondy ǵylymı jýrnal túrli elderdiń tarıh máselelerimen aınalysatyn jas mamandary men ǵylymı qyzmetshilerge arnalǵan. Kartanyń tanystyrylymy barysynda elorda assambleıasy men Sh.Ýálıhanov atyndaǵy tarıh jáne etnologııa ınstıtýty ózara yntymaqtastyq týraly memorandýmǵa qol qoıyp, aldaǵy ýaqytta birlese qyzmet atqarýǵa nıet bildirdi.

Sh.Ýálıhanov atyndaǵy Tarıh jáne etnologııa ınstıtýtynyń atynan alǵys bildirgen ǵylymı hatshy, PhD doktory M.Qozybaeva Nur-Sultan qalasynyń ákimdigi janyndaǵy «Qoǵamdyq kelisim» KMM dırektory N.Aıdashevke úsh tilde jazylǵan «Qazaqstan tarıhy» kitaptaryn syıǵa tartty. 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT