Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Elorda ákimdigi masanyń qaptap ketý sebebin atady

2019 jylǵy 9 shilde 17:04 1292
Bólisińiz:
Elorda ákimdigi masanyń qaptap ketý sebebin atady

NUR-SULTAN. QazAqparat - Elorda ákimdigi masanyń qaptap ketýiniń sebebin atady, dep habarlaıdy QazAqparat tilshisi.

«Bizde maýsym aıynyń 13 kúni jaýyn-shashyndy boldy. Soǵan oraı ylǵaldylyq deńgeıi artty. Al bul masa úshin óte qolaıly orta qalyptastyrady. Jaýyn-shashynsyz ýaqyttyń aralyǵy nebári 2-3 kúndi qurady. Osy eki-úsh kúnniń ishinde  ýlaý jumystary júrgizildi. Degenmen, sizder bilýlerińiz úshin aıta keteıin, jaýyndy kúnderi masaǵa qarsy ýlaý jumystary júrgizilmeıdi. Sebebi jańbyr sýy shashqan dárini shaıyp ketip, onyń eshqandaı áseri bolmaıdy», - dedi Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń dırektory Sádýaqas Baıǵabylov.

Osy rette, ol shilde aıynda elorda jurtshylyǵynyń mazasyn alǵan masanyń nelikten qaptap ketkenin túsindirdi.

«Shildedegi masanyń qaptap ketý sebebine toqtalsam,   aıdyń 2-4 kúnderinde mol jaýyn-shashyn tústi. Soǵan baılanysty masaǵa qarsy óńdeý jumystary toqtatyldy. Demalys kúnderi aýa raıy turaqtalyp, kún ysydy, ýlaý jumystar qaıta jandandy. Osy jáne kelesi apta ystyq bolmaq. Demalys kúnderinen beri qalanyń saıabaqtary, gúlzarlar, Esildiń jaǵalaýy, sonymen qatar 141 shaǵyn sý qoımalarynda masany ýlaý jumystary júrgizilip jatyr», - dedi  Sádýaqas Baıǵabylov.

Onyń atap ótýinshe, elordanyń 4 aýdan ákimdigi masanyń dernásili túsetin sáýir aıynan bastap qyrkúıekke deıin ýlaý jumystaryn júrgizedi.  Masany ýlaýǵa qajetti dáriniń tipti kelesi jylǵa jeterlik qory bar.

Eske salsaq, buǵan deıin elorda ákimi Altaı Kólginov masa ýlaýdy ýaqytynda qolǵa almaǵandar jazalanatynyn aıtqan edi.

 

 

Bizdiń kanalymyzǵa jazylyńyz:

Basty sózder: Nur-Sultan, Qoǵam, Ákimdik,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT