Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.51 EUR 418.91
RUB 6.13 CNY 54.90
Jańalyqtar

Elimizdegi 180 kolledj ben 20 JOO jańartylady - Memleket basshysy

2019 jylǵy 4 shilde 17:29 1517
Bólisińiz:
Elimizdegi 180 kolledj ben 20 JOO jańartylady - Memleket basshysy

NUR-SULTAN. QazAqparat - Aldaǵy úsh jyl ishinde elimizde 180 kolledj ben 20 joǵary oqý orny ashylady. Bul týraly búgin elordada ótken Sheteldik ınvestorlar keńesiniń otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Jaqynda 180 kollejd ben 20 aldyńǵy qatarly joǵary oqý orny jańartylady. Biz respýblıkalyq bıýdjetten bul maqsatqa tek alǵashqy kezeńniń ózinde 58 mlrd teńge bólemiz. Bul - shamamen 150 mln dollar. Basty maqsat - otandyq jáne sheteldik seriktesterdi belsendi tarta otyryp, bilim berý baǵdarlamasyn aıtarlyqtaı jańartý jáne jańǵyrtý», - dedi QR Prezıdenti.

Osy oraıda Q.Toqaev bilim ekonomıkanyń bir salasy degen pikirmen tolyqtaı kelisetinin basa aıtty.

«Jetekshi álemdik oqý oryndarymen strategııalyq seriktestikti belsendi damytý qajet. Bilim berý World skills álemdik standartyna saı bolýy tıis. Biz halyqaralyq seriktesterge, onyń ishinde Eýropalyq qaıta qurý jáne damý bankine, Ernst&Young, PWC-ge bul máselede sarapshylyq qoldaý kórsetkeni úshin rızashylyq bildiremiz. Sonymen qatar, jumys istep turǵan kolledjder bazasynda jedel kadr daıyndaý jáne qaıta daıyndaý úshin quziret ortalyqtaryn qurý kerek», - dedi Q.Toqaev. 

Memleket basshysy sheteldik ınvestorlardy atalǵan protseske belsene qatysýǵa shaqyrdy.

«Bizdiń keńestiń sheteldik ınvestorlaryna bul jumysqa belsene qatysýdy usynamyn. Qazaqstan Úkimetine sheteldik tarappen birge ózara yntymaqtastyqtyń óte mańyzdy baǵyty boıynsha naqty usynystar engizýdi tapsyramyn», - dedi QR Prezıdenti.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT