Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Eldegi 180 kolledj ben 20 JOO halyqaralyq standarttarǵa saı jańartylady

2019 jylǵy 5 shilde 17:35 724
Bólisińiz:
Eldegi 180 kolledj ben 20 JOO halyqaralyq standarttarǵa saı jańartylady

NUR-SULTAN. QazAqparat - Eldegi 180 kolledj ben jetekshi 20 JOO halyqaralyq standarttarǵa saı jańartylady. Bul jóninde Prezıdenttiń baspasóz hatshysy Berik Ýálı Facebook paraqshasynda jazdy, dep habarlaıdy QazAqparat.

Berik Ýálıdiń aıtýynsha, Qazaqstan Prezıdenti Qasym-Jomart Toqaev Sheteldik ınvestorlar keńesiniń plenarlyq otyrysynda bilim sapasyn arttyrýǵa baǵyttalǵan sharalar týraly aıtqan.

«Prezıdent bilim salasyndaǵy ilgerileýshilikterge qaramastan jumys berýshilerdiń kópshiligi JOO men kolledjderdi bitirýshilerdiń bilim sapasyna kóńilderi tolmaıdy dedi. Ásirese, kásibı bilim berý salasyn jańǵyrtý kerek ekenine toqtaldy. Naqty aıtqanda «Jýyq aradaǵy 3 jylda 180 kolledj jáne aldyńǵy qatarly 20 JOO qurylady», - dedi. Bul jerde bir máseleni eskergen jón. JOO men kolledjder jańadan ashylmaıdy. QR Bilim jáne ǵylym mınıstrliginiń habarlaýynsha, «Jas maman» jobasy aıasynda eldegi bar 20 JOO men 180 kolledj iriktep alynyp, jańartylady, jańǵyrtý jumystary júrgiziledi. Onda arnaıy ortalyqtar men zamanaýı ǵylymı zerthanalar qurylyp, deńgeıleri halyqaralyq standarttarǵa deıin jetkiziledi», - dep jazdy Berik Ýálı.

Baspasóz hatshysynyń jazýynsha, bul maqsatqa, ıaǵnı JOO men kolledjderdi modernızatsııalaýǵa aldaǵy 3 jylda respýblıkalyq bıýdjetten 58 mlrd teńge bólinedi.

«Jas maman» jobasynyń basty maqsaty - ındýstrıaldy jáne qyzmet kórsetý salalaryndaǵy eń suranysqa ıe 100 mamandyq boıynsha mamandar daıarlaý. Joba aıasynda kolledjder zamanǵa saı qural-jabdyqtarmen jabdyqtalatyn bolady. Sheteldik mamandar, ustazdarymyzdy oqytyp, daıyndaıdy. Oqý oryndary halyqaralyq salalyq akkredıtatsııadan ótedi.

«Bastysy - sheteldik áriptesterimizdi tarta otyryp, bilim berý baǵdarlamalaryn modernızatsııalaý, edáýir jańartý», - dedi Prezıdent.

Memleket basshysy bul jastardy qoldaýǵa jáne bilim salasyn jańǵyrtýǵa baǵyttalǵan asa mańyzdy joba ekenin aıtty.


 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT