Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Elbasy IYU-nyń sammıtine qatysqany úshin Hasan Rýhanıge alǵys aıtty

2017 jylǵy 10 qyrkúıek 17:47 931
Bólisińiz:
Elbasy IYU-nyń sammıtine qatysqany úshin Hasan Rýhanıge alǵys aıtty

ASTANA. QazAqparat - Qazaqstan Prezıdenti Islam yntymaqtastyǵy uıymynyń ǵylym jáne tehnologııalar jónindegi sammıti aıasynda Iran Islam Respýblıkasynyń Prezıdenti Hasan Rýhanımen kezdesti, dep habarlaıdy Aqordanyń baspasóz qyzmeti.

Memleket basshysy kezdesýde H.Rýhanıdi ótken saılaýda jeńiske jetip, Iran Islam Respýblıkasynyń Prezıdenti laýazymyna qaıta saılanýymen quttyqtady.

«Bul bizge buǵan deıin bastalǵan dıalogymyzdy jalǵastyrýǵa zor múmkindik beredi. Bizdiń aramyzda senim men túsinistik bar. Bul ekijaqty qarym-qatynasty qarqyndy damytý úshin asa mańyzdy», - dedi Nursultan Nazarbaev.

Iran Islam Respýblıkasynyń Prezıdenti sammıtke qatysýǵa shaqyrǵany úshin Qazaqstan Prezıdentine alǵys aıtty.

«Kóptegen halyqtyń oıynda Astana beıbitshilik qalasy retinde saqtalǵan. Ol aldaǵy ýaqytta da sol keıipte qala beredi. Astanadaǵy sammıt Taıaý Shyǵystaǵy turaqsyz óńirge beıbitshilikti ornyqtyrýǵa úles qosady dep úmittenemin. Sammıt ótkennen keıin Qazaqstannyń elordasyn ǵylym men tehnologııanyń qalasy dep te ataýǵa bolady», - dedi H.Rýhanı.

Sońynda Qazaqstan Prezıdenti Islam yntymaqtastyǵy uıymynyń ǵylym jáne tehnologııalar jónindegi sammıtine qatysqany úshin H.Rýhanıge rızashylyq bildirdi. 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT