Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Elmıra Sýhanberdıeva ustazdyq etýi múmkin

2019 jylǵy 10 shilde 12:05 1013
Bólisińiz:
Elmıra Sýhanberdıeva ustazdyq etýi múmkin

NUR-CULTAN. QazAqparat -  Sot zalynan bosatylǵannan keıin Elmıra Sýhanberdıeva aldaǵy ýaqytta qandaı qyzmetpen aınalysatynyn aıtty, dep habarlaıdy QazAqparat tilshisi.

Tilshiler qaýymy E. Sýhanberdıevadan qandaı salada jumys isteýge nıetti ekenin surady.

«Kásipkerlikpen aınalysýǵa múmkindik bar, sondaı-aq ustazdyq etýge bolady», - dedi ol.

Sonymen qatar, ol sot úkimine shaǵym túsirý úshin Joǵarǵy sotqa júginýge nıetti ekenin atap ótti.

Aıta keteıik, búgin elordada QR Bilim jáne ǵylym vıtse-mınıstri bolǵan Elmıra Sýhanberdıevaǵa qatysty sot úkimi shyqty.

Oǵan 2500 AEK kóleminde aıyppul taǵaıyndaý sheshimi shyǵaryldy. Jalpy, ol 5 948 900 teńgeni tóleýge mindetteldi. Sonymen qatar, ómir boıyna memlekettik qyzmette, sotta, Ulttyq bankte, jergilikti ózin-ózi basqarý organdarynda jáne memleket úlesi 50% asatyn ózge de memlekettik uıymdarda - ulttyq holdıngter, ulttyq damý ınstıtýttarynda jumys isteý quqyǵynan aıyryldy.

Budan buryn habarlanǵandaı, Elmıra Sýhanberdıeva sybaılas jemqorlyq kúdigimen ustaldy jáne 2 aıǵa qamaýǵa alyndy.

QR Sybaılas jemqorlyqqa qarsy is-qımyl ulttyq bıýrosy Elmıra Sýhanberdıevaǵa qatysty sotqa deıingi tergeý amaldaryn bastady.

9 shilde kúni sot otyrysy ótip, ol óz kinásin moıyndady.

 

 

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT