Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

Elmıra Sýhanberdıeva qamaýda otyrǵan kezeńde kitap jazdy

2019 jylǵy 10 shilde 12:43 1586
Bólisińiz:
Elmıra Sýhanberdıeva qamaýda otyrǵan kezeńde kitap jazdy

NUR-CULTAN. QazAqparat -  Eks-vıtse-mınıstr Elmıra Sýhanberdıevaǵa qamaýda otyrǵan kezinde kitap jazǵanyn aıtty, dep habarlaıdy QazAqparat tilshisi.

«Osy ótken 34 kúnde kitap jazdym, «Túrme vıtse-mınıstrdiń kózimen» atty kitap jaqyn arada jaryqqa shyǵady. Onda áıelderdiń abaqtydaǵy jaǵdaıy baıandalady. Kitapta kóptegen pikirler qamtylady, oqyrman qaýymǵa qyzyqty bolady dep oılaımyn. Onda tek ózim jaıly avtobıografııa ǵana emes, sonymen qatar jalpy máseleler jazylady», - dedi burynǵy vıtse-mınıstr.

Onyń sózine qaraǵanda, atalǵan kitap tolyǵymen jazylyp shyqty, endi shamaly túzetýler engizý qajet. Osy oraıda kitapty jaryqqa shyǵarýǵa nıetti baspalar baılanysqa shyqqan.

«Bul turǵyda keıinirek baspasóz máslıhatyn ótkizemin. Sizderge bul kitapty syıǵa tartamyn», - dedi E. Sýhanberdıeva tilshilerge qarata aıtqan sózinde.

Aıta keteıik, búgin elordada QR Bilim jáne ǵylym vıtse-mınıstri bolǵan Elmıra Sýhanberdıevaǵa qatysty sot úkimi shyqty.

Oǵan 2500 AEK kóleminde aıyppul taǵaıyndaý sheshimi shyǵaryldy. Jalpy, ol 5 948 900 teńgeni tóleýge mindetteldi. Sonymen qatar, ómir boıyna memlekettik qyzmette, sotta, Ulttyq bankte, jergilikti ózin-ózi basqarý organdarynda jáne memleket úlesi 50% asatyn ózge de memlekettik uıymdarda - ulttyq holdıngter, ulttyq damý ınstıtýttarynda jumys isteý quqyǵynan aıyryldy.

Budan buryn habarlanǵandaı, Elmıra Sýhanberdıeva sybaılas jemqorlyq kúdigimen ustaldy jáne 2 aıǵa qamaýǵa alyndy.

QR Sybaılas jemqorlyqqa qarsy is-qımyl ulttyq bıýrosy Elmıra Sýhanberdıevaǵa qatysty sotqa deıingi tergeý amaldaryn bastady.

9 shilde kúni sot otyrysy ótip, ol óz kinásin moıyndady.

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT