Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Ekstremızm jaǵdaılary rasymen kóbeıip ketti me - Álemdik baspasózge sholý

2019 jylǵy 11 mamyr 18:13 1015
Bólisińiz:
Ekstremızm jaǵdaılary rasymen kóbeıip ketti me - Álemdik baspasózge sholý

NUR-SULTAN. QazAqparat - «QazAqparat» HAA ádettegideı oqyrman nazaryna álemdik aqparat kózderine sholýyn usynady. 


AQSh Iranǵa qarsy sanktsııalardy ne sebepti saldy -
CNBC

Ekstremızm jaǵdaılary rasymen kóbeıip ketti me - Álemdik baspasózge sholý 

AQSh Prezıdenti Donald Tramp Iran metalynyń óndirisine jańa sanktsııalar saldy jáne Tegeran óz áreketin «túbegeıli ózgertpese» budan da ári baratynyn aıtty. CNBC basylymynyń jazýynsha, sarapshylar bul sanktsııalardy Irandy 2015 jylǵy ıadrolyq kelisimdi buzýǵa ıtermeleý maqsatynda jasalǵan «qasaqana arandatýshylyq» dep baǵalap otyr.

«Karnegı qorynyń sarapshysy Djarret Blanktiń aıtýynsha, Donald Tramptyń  Iranǵa qarsy jańa sanktsııalardy salýy «qasaqana arandatýshylyq» sanalady. Bul sanktsııalar ıran eksportynan túsetin tabysqa ǵana keri áser etip qoımaı, «Iran ekonomıkasynyń iri sektorlaryna da» áser etetin bolady. Sebebi Irannyń munaıdan keıini eksporttyq tabysynyń kóbi metaldardan túsip otyr», dep jazady basylym.

Qordyń bas sarapshysy Blanktiń aıtýynsha, Tramp ákimshiligi osy áreketi arqyly Irandy ıadrolyq kelisim sharttaryn buzýǵa ıtermelep, daǵdarys týǵyzýǵa tyryspaq.



Aýyldyq jerlerde semizdik kórsetkishi artty - Le Monde

Ekstremızm jaǵdaılary rasymen kóbeıip ketti me - Álemdik baspasózge sholý 

«Osy kúnge deıin ǵalymdar aýyldyq jerlerde klımat pen aýylsharýashylyq daqyldardyń nasharlaýy, ashtyq keń etek jaıa bastaǵanyn aıtqan edi. Degenmen, Nature jýrnalynda jarııalanǵan maqalaǵa sensek, búkil álem boıynsha aýyldy jerlerde semizdik kórsetkishi artqan», dep jazady Le Monde basylymy.

«London Imperııa kolledji medıtsına fakýltetiniń bir top zertteýshileri 200 memlekettegi 112 mln adamǵa skrınıng jasap, 1985 - 2017 jyldar aralyǵynda dene salmaǵy ındeksiniń  áıelderde  2 kg/m2, erlerde 2,2 kg/m2-ge óskenin kórsetti, ıaǵnı, ár adamnyń salmaǵy ortasha eseppen 5-6 kılogramǵa artqan», dep jazady avtor. Onyń aıtýynsha, bul kórsetkishtiń jartysynan kóbi (55%) aýyldy jerlerge tıesili.

«Tabysy tómen memleketterde dene salmaǵy ındeksiniń ósý kórsetkishi aýyldy jerlerde 80%ǵa deıin jetken. Búkil álem boıynsha Afrıkadan basqa jerlerde aýyldy mekenderde semizdik qaladaǵy kórsetkishpen bir jyldamdyqta kóbeıip jatyr», deıdi avtor. Onyń aıtýynsha, osy kúnge deıin álemdegi semizdik epıdemııasynyń eń negizgi sebepteriniń biri ýrbanızatsııa ekeni aıtylyp kelgen edi.

«Semizdik - áleýmettik teńsizdik turǵysynan ǵana qarastyrylyp keldi. Degenmen, bul júrek qan tamyr aýrýlaryn, dıabet nemese rakty órshitedi ári paıdaly tamaqty tutynýǵa jaǵdaıy joq toptar arasynda da jıi kezdesedi», dep jazady avtor.  



Amazon basshysy Aıǵa qonatyn áýe kemesin tanystyrdy - ABC News

Ekstremızm jaǵdaılary rasymen kóbeıip ketti me - Álemdik baspasózge sholý 

Amazon saýda alańynyń jáne Blue Origin aeroǵarysh kompanııasynyń negizin qalaǵan Djeff Bezos Aıǵa ushýǵa arnalǵan Blue Moon áýe kemesin tanystyrdy, dep habarlaıdy ABC News basylymy. Bezostyń aıtýynsha, Blue Moon Jer serigine 2024 jyly qona alady.

«Blue Moon áýe kemesiniń qurastyrylyýy jaqyn arada aıaqtalady. Áýe kemesi 2023 jyly adamsyz Aıǵa jiberiledi. Al pılotty joba adamnyń qatysýymen 2024 jyly jiberiledi. Naqty kezeń NASA jumysyna baılanysty», dep jazady basylym. Avtordyń aıtýynsha, jańa apparat 4,5 myń tonna júk tasymaldaı alady. Bul Aıda júretin tórt apparatty qosa alǵandaǵy salmaq.

Aıta ketý kerek, Blue Origin kompanııasy SpaceX kompanııasynyń ashylýynan eki jyl buryn 2000 jyly ashylǵan edi. Ázirge kompanııanyń tek New Shepard atty zymyrany bar.



Reseı Ózbekstan jerinde AES salady -
Eurasianet

Ekstremızm jaǵdaılary rasymen kóbeıip ketti me - Álemdik baspasózge sholý 

«Reseı Ortalyq Azııa jerinde ıadrolyq energetıka salasynda qyzý jumysqa kiristi. Naqtyraq aıtar bolsaq, Reseı ÓZbekstanda 11 mıllıard dollar turatyn atom elektr stansasyn salady. Búgingi tańda AES orny anyqtalǵan», dep jazady Eurasianet basylymy.

Avtordyń aıtýynsha, Reseı syrtqy ister mınıstri Ózbekstanǵa sapary barysynda atomelektr stansasy salynatynyn habarlaǵan.

«Ózbekstan prezıdenti Shavkat Mırzıeev jobaǵa qoldaý kórsetti. Qazir AES orny anyqtaldy. Bul jobanyń eń mańyzdy satysy», dedi Sergeı Lavrov.

Basylymnyń habarlaýynsha, AES ornynyń anyqtalýy jobany júzege asyrý ýaqytyn qysqartatyn bolady.

«Negizinen AES orny 2020 jyly belgili bolady dep josparlanǵan edi», dep jazady basylym.

Aıta ketý kerek, Reseı men Ózbekstan 11 mlrd dollar turatyn AES salý týraly byltyr qazan aıynda Vladımır Pýtınniń Tashkentke saparynda kelisken bolatyn. Al aqpan aıynda Mırzıeev atom energetıkasynyń 2019-2029 jyldarǵa arnalǵan damý tujyrymdamasyna qol qoıǵan edi. Bul qujatta atom energııasy aldaǵy 60 jylda arzan elektr energııasyn alýǵa arnaǵan ekologııalyq taza múmkindik bolatyny aıtylǵan.



Ekstremızm jaǵdaılary rasymen kóbeıip ketti me - BBC

Ekstremızm jaǵdaılary rasymen kóbeıip ketti me - Álemdik baspasózge sholý 

«Qazirgi tańda ekstremızm jaǵdaılary kóbeıip barady degen túsinik qalyptasty. Degenmen, Ulybrıtanııanyń ekstremızmmen kúres komıssııasy mamandarynyń aıtýynsha, bul tujyrym naqty emes. Bul týraly VVS basylymy jazdy.

«Kóp jaǵdaıda ekstremızmniń artýyna adamdardyń ashýly bola bastaǵany kináli dep aıtylady. Sondyqtan sarapshylar men ǵalymdar júıli zertteýlerdi kóbeıtip, ekstremızm modelderine basqasha qaraý ádisin tapqandary jón. Mysaly, ekstremızm belgileri retinde tek dinı toptardy emes, mysaly, nashaqor nemese basqa da addıktıvti áreketke beıim adamdardy da qarastyrýǵa bolady», dep jazady basylym.

Ulybrıtanııanyń ekstremızmmen kúres kompanııasy múshesi, kóp jyldary krımınologııa men din salasyn zerttegen doktor Hargrıvz «dinı kózqarastar ekstremıstik retinde qarastyryla alady dep kesip aıtýǵa bolmaıdy», deıdi. Onyń aıtýynsha, ekstremızmniń qazirgi sıpattalý túrin ózgertý kerek.

«Kóp jaǵdaıda ekstremıstik jaǵdaı týǵyzǵan adam ishimdikke nemese nashaqorlyqqa táýeldi bolyp shyǵady. ıAǵnı, bul jaǵdaıǵa qoǵamdyq densaýlyq saqtaý salasy turǵysynan qarap, ekstremızm jaǵdaıy artyp bara jatyr degen uran sheńberinen shyǵý kerek. Otbasy, dostar men qoǵam rólin saıası kúshter baǵalamaı otyr», deıdi Hargrıvz.

Ekstremızm jaǵdaılary rasymen kóbeıip ketti me - Álemdik baspasózge sholý 

 

 

 

 

 

Bizdiń kanalymyzǵa jazylyńyz:

Basty sózder: Álem,
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT