Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

EAEO qazirgi kezdegi halyqaralyq qatynastardaǵy erekshe geoekonomıkalyq faktorǵa aınaldy - Q.Toqaev

2016 jylǵy 6 qyrkúıek 16:25 10487
Bólisińiz:
EAEO qazirgi kezdegi halyqaralyq qatynastardaǵy erekshe geoekonomıkalyq faktorǵa aınaldy - Q.Toqaev

ASTANA.  QazAqparat - Eýrazııalyq ekonomıkalyq odaq qazirgi kezdegi halyqaralyq qatynastardaǵy erekshe geoekonomıkalyq faktorǵa aınaldy. Bul týraly  Senat tóraǵasy Qasym-Jomart Toqaev belarýstyq «Stolıchnoe televıdenıe» (STV) telearnasyna bergen suhbatynda aıtty.

Sondaı-aq Senat spıkeri óziniń suhbatynda  eýrazııalyq yqpaldastyqtyń ózekti máseleleri, DSU jáne EQYU-men yntymaqtastyq, sondaı-aq Qazaqstan men Belorýs qatynastary týraly sóz qozǵady.

Q.Toqaevtyń pikirinshe, Eýrazııalyq ekonomıkalyq odaq qazirgi kezdegi halyqaralyq qatynastardaǵy erekshe geoekonomıkalyq faktorǵa aınaldy. Yqpaldastyqtyń qıyndyqtary týraly saýalǵa Senat basshysy yqpaldastyq úderisteri zor kúsh-jigerdi jáne tıisti biliktilikti talap etetinin atap ótti. Memleket basshylarynyń saıası kúsh-jigeri, eń aldymen, saýda máseleleri boıynsha ýaǵdalastyqtarda negizgi ról atqaratyny kúmánsiz ekeni aıtyldy. «Biz aýqymdy ókilettik berilgen Eýrazııa ekonomıkalyq komıssııasyn tolyq dárejede iske qosýymyz kerek dep sanaımyn. Ázirshe ol tolyqqandy halyqaralyq uıym retinde jumys istep otyrǵan joq. Komıssııanyń qyzmetine memleket basshylarynyń da kóńilderi tolyp otyrmaǵany da maǵan belgili», - dedi Q.Toqaev.

Joǵarǵy palatanyń basshysy EAEO-nyń iske kirisýinen birden nátıje kútýge bolmaıdy dep sanaıdy. «Biraq, prezıdentter de, parlamentter de, árıne, bizdiń elderimizdiń halyqtary da ekonomıkalyq jáne gýmanıtarlyq salalarda óte tyǵyz yqpaldastyqty qalaıdy. Kúrdeli geosaıası jaǵdaıdy esepke alǵanda bul negizgi másele», - dep atap ótti Q.Toqaev.

Senat Tóraǵasy ekijaqty yntymaqtastyq úshin de, aımaqtyq ekonomıkalyq yqpaldastyqtyń ıgiligi úshin de Qazaqstan men Belarýs prezıdentteri Nursultan Nazarbaev pen Aleksandr Lýkashenkonyń júıeli kezdesýleriniń mańyzdy rólin atap ótti. «Eki eldiń basshylary jeke baılanystardy da, iskerlik baılanystardy da qoldap otyrady, bir-birine zor qurmetpen qaraıdy. Bizdiń memleketterimizdiń arasyndaǵy yntymaqtastyqty damytý úshin bul óte jaqsy», - dedi Q.Toqaev.

Belarýstiń Dúnıejúzilik saýda uıymyna kirýiniń keleshegi týraly saýalǵa jaýap bere kelip, Tóraǵa bul úderiske barynsha yqpal etýge Qazaqstannyń umtylysyn jetkizdi.

Q.Toqaev Belarýstegi parlamenttik saılaý qarsańynda daýys berýge monıtorıng júrgizý máseleleri boıynsha EQYU-men ózara is-qımyl týraly pikirimen de bólisti. «Men 2010 jyly Belarýs Prezıdentin saılaýǵa baıqaý júrgizýge qatystym, onyń qalaı ótkeni maǵan unady, sondyqtan men arnaıy málimdeme jarııalap, belarýs halqy óz tańdaýyn jasaǵany jáne ol tańdaýdy bizdiń bárimiz qurmetteýmiz kerektigin aıttym. Jalpy bizge EQYU-men yntymaqtastyqty óristetý kerek. Bul - ámbebap uıym. Qazaqstanǵa qatysty aıtqanda, biz úshin ol basymdyqqa ıe. EQYU Parlamenttik Assambleıasy aıasynda belsendi jumys istep kelemiz. EQYU-daǵy belarýs delegatsııasymen tyǵyz ári nátıjeli jumys isteýimiz kerek, dep sanaımyn», - dep atap ótti Senat Tóraǵasy. 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT