Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

DSU mınıstrler konferentsııasy 2020 jyly Astanada ótedi

2018 jylǵy 27 shilde 18:36 1053
Bólisińiz:
DSU mınıstrler konferentsııasy 2020 jyly Astanada ótedi

ASTANA. QazAqparat - Dúnıejúzilik saýda uıymy Bas keńesiniń otyrysynda uıymǵa múshe elder 2020 jyldyń jazynda 12-shi DSU mınıstrleriniń konferentsııasyn Astanada ótkizý týraly sheshimdi bir aýyzdan qoldady, dep habarlaıdy QazAqparat QR SІM baspasóz qyzmetine silteme jasap.

Bul sheshim - DSU-ǵa múshe elderdiń Prezıdent Nursultan Nazarbaevtyń basshylyǵymen Qazaqstanda júrgizip jatqan ekonomıkalyq reformalary men lıberaldyq saýda saıasatyna senim bildirgendigi.

Qazaqstannyń Jenevadaǵy BUU bólimshesiniń jáne basqa da halyqaralyq uıymdar janyndaǵy Turaqty ókili, Elshi Janar Aıtjanova, jaqynda DSU-ǵa qosylǵan jas táýelsiz memleket úshin mundaı mańyzdy kezdesýdi ótkizý úlken mártebe ekenin atap ótti. Qazaqstan mınıstrler konferentsııasynyń mańyzdy nátıjelerin qamtamasyz etý maqsatynda DSU kún tártibindegi barlyq sheshilmegen máseleler boıynsha pikirtalasqa syndarly túrde úles qosýǵa daıyn ekenin aıtty.

DSU Bas dırektory Robertý Azevedý Qazaqstan Prezıdentine jáne Úkimetine mınıstrler konferentsııasyn ótkizýge yqylas bildirgeni úshin rızashylyǵyn bildirip, bul qadam eldiń kópjaqty saýda júıesiniń qundylyqtary men qaǵıdattaryn ustanatyndyǵyn rastaıtynyn atap ótti.

Mınıstrler konferentsııasy - DSU-nyń joǵary basqarýshy organy, ol eki jylda bir ret ótedi. Ýákiletti organnyń ókilettikteri kópjaqty saýda kelisimderi sheńberinde barlyq máseleler boıynsha, sonyń ishinde halyqaralyq saýdany retteıtin jańa pánderdi bekitý týraly sheshim qabyldaý quqyǵyna ıe.

DSU mınıstrlik konferentsııasynyń eń mańyzdy nátıjesi - saýdaǵa járdemdesý týraly kelisim jáne aýyl sharýashylyǵy ónimderine eksporttyq sýbsıdııa berýge tyıym salý.

Qazirgi tańda balyq sharýashylyǵyn sýbsıdııalaýdy retteıtin jańa tártipti úılestirý - perspektıvalyq kelissóz júrgizý baǵyty bolyp tabylady. Budan basqa, agroónerkásiptik keshende sýbsıdııalardy odan ári tómendetý, qyzmetter sektoryndaǵy saýdany yryqtandyrý jáne elektrondyq kommertsııany retteý sııaqty máseleler boıynsha belsendi kópjaqty talqylaýlar bar.

DSU 12-shi Mınıstrlik konferentsııasynyń jumysyna 164 múshe-elderdiń saýda mınıstrleri men 20 DSU baqylaýshylary qatysady dep kútilýde, al is-sharaǵa qatysýshylardyń jalpy sany tórt myńnan asady.

 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT