Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Darıǵa Nazarbaevanyń tóraǵalyq etýimen Senatta Bıýro otyrysy ótti

2019 jylǵy 3 shilde 22:09 651
Bólisińiz:
Darıǵa Nazarbaevanyń tóraǵalyq etýimen Senatta Bıýro otyrysy ótti

NUR-SULTAN. QazAqparat - Darıǵa Nazarbaevanyń tóraǵalyq etýimen Parlament Senatynyń Bıýro otyrysy ótti, dep habarlaıdy Joǵary Palatanyń baspasóz qyzmeti.

Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed senatorlardyń Arys qalasyna saparynyń qorytyndylary týraly Bıýro múshelerin jan-jaqty habardar etti. Senatorlar D.Nazarbaevanyń tapsyrmasy boıynsha evakýatsııa pýnktterine baryp, adamdardyń ornalasý jaǵdaıymen, jarylys saldaryn joıý jónindegi shtabtyń jumysymen tanysty, qalany aralap turǵyndarymen kezdesti.

Parlament Senatynyń 4 shildede bolatyn otyrysynyń kún tártibi belgilendi. Senatorlar «2019-2021 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasyn jáne depýtat A.Qapbarovanyń ant berýi men ony turaqty komıtettiń quramyna saılaý týraly máselelerdi qaraıtyn boldy.

Bıýro músheleri memlekettik qyzmet jáne sybaılas jemqorlyqqa qarsy is-qımyl máseleleri jónindegi zańnamaǵa túzetýlerdi qaraýdy kúzge qaldyrýdy uıǵardy.

Darıǵa Nazarbaevanyń tóraǵalyq etýimen Senatta Bıýro otyrysy ótti

Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy G.Kım zań jobasy odan ári pysyqtaýdy qajet etetinin atap ótti. «Keshe biz turaqty komıtetterdiń sońǵy qorytyndylaryn aldyq, barlyq qorytyndylardy kestege engizgende 21 túzetý boldy. Eń bastysy, qyrkúıekte sybaılas jemqorlyqqa qarsy is-qımyl jónindegi negizgi zań Parlamentke keledi. Osyǵan baılanysty, atalǵan zań jobasyn pysyqtap, kúzge qaldyrý, sóıtip negizgi zańmen sáıkestendirý ári kelisý arqyly jaqsy nátıjege shyǵý týraly usynys bar», - dedi G. Kım.

Senator B.Áıtimova zań jobasyn qaraýdy kúzge aýystyrý týraly usynysqa qoldaý bildirdi. «Mende kvazımemlekettik sektor boıynsha suraqtar qalyp otyr, ony áli pysyqtaý kerek. Onda laýazymdy tulǵalardan shyǵarylyp, teńestirilgenderge aýystyrylady, osyǵan baılanysty, osynyń bári arnaıy jasalǵan sııaqty seziledi, lobbı kórinis tabýda», - dedi B.Áıtimova.

Bıýroda Senatorlar keńesin qurý týraly másele de maquldandy.

Keńes Senattyń burynǵy depýtattaryn, kórnekti memleket qaıratkerlerin Palata jumysyna tartý, tájirıbe almasý, parlamentarızmdi damytýǵa baǵyttalǵan sharalardy ótkizý maqsatynda qurylǵan aqyldastyq-keńesshi organ bolady.

Senat basshysy depýtattardyń aldaǵy aımaqtarǵa saparlaryna Bıýro músheleriniń nazaryn aýdardy. Kezdesýler birsaryndy ótpegeni mańyzdy ekenin aıtyldy. «Eńbek ujymdaryn, zaýyttardy, shahtalardy aralańyzdar, batys aımaqtardaǵy munaıshylarmen kezdesińizder. Máslıhat depýtattarymen kezdesýler ótkizińizder, aýyldarǵa baryńyzdar, tórtinshi deńgeıdegi bıýdjet, jergilikti ózin-ózi basqarý qalaı jumys isteıdi? Ákimdermen, aýyl turǵyndarymen sóılesińizder. Burynǵy qalyptasqan daǵdyny ózgerteıik, turǵyndardyń úılerine kirip, dám tatyp, fýnktsıoner emes, qarapaıym adam retinde áńgimelesińizder», - dedi D.Nazarbaeva.

 

 

Bizdiń kanalymyzǵa jazylyńyz:

Basty sózder: Parlament, Senat,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT