Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Darıǵa Nazarbaeva Senattyń tórtinshi sessııasynyń jumysyn qorytyndylady

2019 jylǵy 4 shilde 14:30 1403
Bólisińiz:
Darıǵa Nazarbaeva Senattyń tórtinshi sessııasynyń jumysyn qorytyndylady

NUR-SULTAN. QazAqparat - QR Parlamenti Senatynyń tóraǵasy Darıǵa Nazarbaeva Parlament Senatynyń tórtinshi sessııasynyń jumysyn qorytyndylady, dep habarlaıdy QazAqparat tilshisi.

"Búgin tórtinshi sessııadaǵy Senattyń qorytyndy jalpy otyrysyn ótkizdik. Biz halqymyzben birge Qazaqstan memleketi úshin asa jaýapty ári tarıhı oqıǵalardyń, taǵdyrly sheshimderdiń kýási boldyq. Sessııa barysynda Senattyń aýqymdy jumysy qarqyndy ári nátıjeli boldy", - dep toqtaldy D. Nazarbaeva.

Osy oraıda ol bul kezeńde 83 mańyzdy zań jobasy jan-jaqty pysyqtalyp, qabyldanǵanyn atap ótti. Qabyldanǵan zańdar memlekettiń áleýmettik mindettemelerin oryndaýǵa, ekonomıkanyń jekelegen sektorlaryndaǵy jaǵdaıdy jaqsartýǵa baǵyttaldy.

Senat spıkeriniń aıtýynsha, jalpy sessııa barysynda senatorlar Úkimetke 100-den astam depýtattyq saýal joldady. Ótkir saýaldar arqyly elimizde sheshimin tappaı júrgen máselelerge tıisti memlekettik organdardyń nazaryn aýdaryp, olardy sheshý joldaryn kórsete bildi.

"Sessııada Senattyń turaqty komıtetteri ótkizgen arnaıy kezdesýlerde qabyldanǵan usynymdardyń oryndalýy senatorlardyń turaqty baqylaýynda bolatynyn eskertemin. Álemdik tártip turaqsyzdana túsken jaǵdaıda elimizdiń syndarly kópvektorly syrtqy saıasatyn iske asyrýda parlamenttik dıplomatııanyń alatyn orny erekshe. Senatorlar halyqaralyq parlamenttik uıymdardyń jumysyna turaqty jáne belsendi túrde qatysyp keledi. Jalpy alǵanda, memlekettik, qoǵamdyq-saıası jáne áleýmettik-ekonomıkalyq ómiriniń jańa kezeńin zańnamalyq qamtamasyz etý boıynsha tyńǵylyqty jumys atqaryldy dep aıta alamyz. Osy rette barshańyzǵa belsendi ári nátıjeli qyzmetterińiz úshin rızashylyǵymyzdy bildiremiz", - dedi Darıǵa Nazarbaeva.

Eske sala keteıik, Parlamenttiń tórtinshi sessııasy 2019 jylǵy 5 shildege deıin uzartyldy.  

 Atap aıtqanda, mańyzdy sharalardy iske asyrý úshin 2019-2021 jyldarǵa arnalǵan respýblıkalyq bıýdjet týraly zańǵa ózgeristerdi engizý qajet boldy. Osyǵan baılanysty bıýdjetke engiziletin ózgeristerdi qarastyrý úshin Parlament sessııasynyń jumys merzimi uzartyldy. 

Búgin Parlament Senatynyń jalpy otyrysynda palata depýtattary «2019-2021 jyldarǵa arnalǵan respýblıkalyq bıýdjet týraly» QR Zańyna ózgerister men tolyqtyrýar engizý týraly» Zańyn qabyldady. 

 

 

Bizdiń kanalymyzǵa jazylyńyz:

Basty sózder: Senat,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT