Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Cherchıllden Dımashqa deıin: It jyly týǵan tulǵalar

2017 jylǵy 24 jeltoqsan 07:40 1182
Bólisińiz:
Cherchıllden Dımashqa deıin: It jyly týǵan tulǵalar

ASTANA. QazAqparat - Qazaq halqy ıt jylyn «aýyrtpalyqty artqa tastaıtyn, bereke-birliktiń» jyly dep sanaıdy. Ultymyz kıe tutatyn jeti qazynanyń da biri - ıt. Bereke-birligi mol ıt jyly qazaqqa aqyndy da, batyrdy da syılady. Kele jatqan jańa jylda da barsha halyqqa birlik pen tabys tileı otyryp, nazarlaryńyzǵa ıt jyly dúnıege kelgen otandyq jáne álemdik tulǵalardyń kim ekenin saraptap kórsek.

Ótken ýaqyttyń kúntizbesin aqtaryp qarasaq, 1910, 1922, 1934, 1946, 1958, 1970, 1982, 1994, 2006, 2018 jyldar ıt jylyna tuspa-tus kelip tur. Budan burynǵy tarıhqa kóz jibersek, 1886 - ıt jyly Alash arystarynyń beldi múshesi Jahansha Dosmuhameduly dúnıege kelgenin bilemiz. Arada bir múshel ýaqyttan keıin Alash ardaqtylarynyń taǵy biri Temirbek Júrgenov ómir esigin ashqan. Qazaqtyń dańqyn álemge tanytqan Baýyrjan Momyshulynyń da ómirge kelgen ýaqyty - 1910 jyl ıt jyly. Bar-joǵy 22 jasynda asqan erligimen maıdan dalasynda ómirden ótken Keńes odaǵynyń batyry Іzǵutty Aıtyqov ta 1922-shi ıt jylynyń týmasy.

Іzǵuttymen birge, Keńes odaǵynyń batyry atanǵandardyń ishinde ishinde ıt jyly týǵandar - Talǵat Bıgeldınov, Toǵanbaı Qaýynbaev, qazaqtyń batyr qyzdary Mánshúk Mámetova men Hıýaz Dospanovalar.

Qazaq rýhanııaty men ádebıetin alǵa súıregenderdiń ishinde ıt jyly týǵan tulǵalar barshylyq. Atap aıtqanda, Safýan Shaımerdenov, Syrbaı Máýlenov, Ázilhan Nurshaıyqov, Ospanhan Áýbákirov, Qalaýbek Tursynqulov, Ǵalym Jaılybaı, Qasymhan Begmanov qatarly tanymal aqyn-jazýshylardy atap ótýge bolady. Ataqty ánshiler Roza Baǵlanova, Nurjamal Úsenbaeva men Dımash Qudaıbergen de ıt jyly týǵan. Taǵy bir qyzyǵy, ǵaryshqa tuńǵysh kóterilgen ıÝrıı Gagarın de, qazaqtyń tuńǵysh ǵaryshkeri Toqtar Áýbákirov te ıt jyly ómirge kelgender.

Alash tarıhyn zertteýde asa zor úlesi qosyp júrgen Mámbet Qoıgeldıev, vıtse-premer Erbolat Dosaev ta ıt jylynda týǵandardyń qatarynda. Sonymen qatar, Qazaqstannyń atyn álemge tanytqan Gennadıı Golovkın de bıyl úshinshi múshel jasyna aıaq basqaly otyr.

It jyly ómirge kelgen álemge áıgili tulǵalardan Ulybrıtanııanyń ataqty qaıratkeri Ýınston Cherchılldi, ánshi Maıkl Djekson men Madonnany, aktrısa Sofı Loren, Brıdjıt Bardony, jıhankez Jak Iv Kýstony, amerıkalyq jazýshy Stıven Kıngti, akter Sılvestr Stalone, Alek Boldýındi jáne Sheron Stoýndy, Lı Ben Hondy, jazýshylar Gı de Mopassan, Vıktor Gıýgo, Aleksandra Dıýma, Ernest Hemıngýeıdi atap ótýge bolady.

 

Bizdiń kanalymyzǵa jazylyńyz:

Basty sózder: Jyl qorytyndysy, Qoǵam,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT