Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.42 EUR 417.41
RUB 6.09 CNY 54.54
Jańalyqtar

Bıýdjetti sapasyz josparlaǵandarǵa jaýapkershilik engiziledi - Qanat Baıedilov

2019 jylǵy 12 shilde 12:33 903
Bólisińiz:
Bıýdjetti sapasyz josparlaǵandarǵa jaýapkershilik engiziledi - Qanat Baıedilov

NUR-SULTAN. QazAqparat - Qazaqstanda bıýdjetti sapasyz josparlaǵandarǵa jaýapkershilik engiziletin bolady. Bul týraly búgin Úkimet úıindegi baspasóz máslıhatynda QR Qarjy vıtse-mınıstri Qanat Baıedilov aıtty, dep habarlaıdy QazAqparat tilshisi.

«Sapasyz josparlaýǵa qatysty másele jyl saıyn kóteriledi. Depýtattar da bul máseleni kóterip jatady. Ol talqylaný ústinde jáne taıaý bolashaqta sapasyz josparlaýǵa jaýapkershilik engiziletin bolady», - dedi ol BAQ ókilderiniń saýalyna oraı.

Sonymen qatar ol salyq salýdyń progressıvti shkalasyn engizý elimizde josparlanyp otyrmaǵandyǵyn basa aıtty.

«Bizde salyq saıaatyn Ulttyq ekonomıka mınıstrligi qalyptastyrady. Sondyqtan oǵan qatysty saýaldy olarǵa qoıǵan jón bolar. Degenmen, taıaý ýaqytta mundaı shkala engizý josparlanyp otyrǵan joq», - dedi Qanat Baıedilov.

Munan bólek, vıtse-mınıstr elimizde júrgiziletin jeke tulǵalarǵa salyqtyq raqymshylyqtyń bıýdjetke aıta qoıarlyqtaı zııany joq ekendigin atap ótti.

«Shyndyǵyna kelgen memleket jeke tulǵalarǵa raqymshylyq jasaýǵa sanaly túrde baryp otyr jáne raqymshylyqqa baılanysty bıýdjetke túsimderdiń belgili bir bóligi azaıady. Degenmen, saralap qaraıtyn bolsaq, jyl saıyn memleketke jeke tulǵalar tarapynan shamamen 60 mlrd teńge salyq túsedi. Bul jalpy kiristiń aıasynda mardymsyz soma, tipti 1 paıyzǵa da jetpeıdi. Sondyqtan salyqtyq raqymshylyq jasaýdan bıýdjetke qandaı da bir zııan kórip otyrǵanymyz joq», - dedi ol.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT