Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

Býrabaıda zamanaýı sport alańy ashyldy

2018 jylǵy 31 qazan 10:04 1134
Bólisińiz:
Býrabaıda zamanaýı sport alańy ashyldy

KÓKSHETAÝ. QazAqparat - Býrabaı kentinde zamanaýı ámbebap sport jáne balalar alańy ashyldy, dep habarlaıdy QazAqparat tilshisi.

Aqmola oblystyq dene shynyqtyrý jáne sport basqarmasy baspasóz qyzmetiniń málimetinshe, Sáken Seıfýllın atyndaǵy mekteptiń janynan ashylǵan keshenniń aýmaǵy - 1 280 sharshy metr. Oıyn alańdary jasandy jamylǵymen, balalar jáne jattyǵý aýmaqtary qaýipsiz rezeńke jamylǵysymen (tartan) jabdyqtalǵan.

Sharaǵa Býrabaı aýdanynyń ákimi Qanat Qaraýylov qatysyp, quttyqtaý sóz sóıledi. Aýdan basshysy osy qurylysqa atsalysqan «Samruk-KazynaTrust» áleýmettik jobalardy damytý qorynyń ujymyna shynaıy alǵysyn bildirdi. Aqmola oblysynyń dene shynyqtyrý jáne sport basqarmasynyń basshysy Áset Búkibaev aýyl balalaryna sporttyń kez kelgen túrimen aınalysý múmkindigi týyp otyrǵanyn atap ótti.

Býrabaıda zamanaýı sport alańy ashyldy

«Sport alańynyń ashylýy óńirde sport salasynyń damýyna zor septigin tıgizedi», - dedi Á.Búkibaev.

Sonymen qatar, sharaǵa «Samruq-Qazyna» AQ Býrabaı aýdandyq poshta baılanysy jelisiniń basshysy Darhan Qazkeev te qatysyp, jyly lebizin bildirdi. Al, «Oqjetpes» FK qaqpashysy Iaroslav Bagınskıı men ortalyq qorǵaýshy, shabýylshy Nıkıta Bojenov oqýshylarǵa sheberlik synybyn ótkizip, qoltańbasy qoıylǵan dopty syıǵa tartty.

Aıta keteıik, ámbebap sport alańdarynyń qurylysy «Samruk-KazynaTrust» áleýmettik jobalardy damytý qory arqyly júzege asyrylýda. Atalmysh baǵdarlama aıasynda Stepnogor, Esil qalalarymen birge Tselınograd aýdanynyń Qajymuqan aýylynda da osyndaı 3 keshen ashyldy. 

Býrabaıda zamanaýı sport alańy ashyldy

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT