Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Búgin - Oraza aıt merekesi

2019 jylǵy 5 maýsym 06:00 2067
Bólisińiz:
Búgin - Oraza aıt merekesi

NUR-SULTAN. QazAqparat - Búgin jer betindegi barlyq musylman qaýymy úshin eń qasıetti sanalatyn eki ulyq merekeniń biri - Oraza aıt meıramy. Bul kúni Allanyń razylyǵy úshin bir aı boıy aýyz bekitip, musylmandyqtyń bes paryzynyń biri sanalatyn Orazanyń sharttaryn oryndaǵan jandar aýyzdaryn ashady. Musylmandar Orazamen qoshtasyp, Alla Taǵalaǵa qasıetti Ramazan aıyna amandyqta-saýlyqta jetkizgenine sheksiz alǵys aıtyp, kelesi  Ramazan aıyna da esendikte jetýlerin tilep, minájat etedi.

Qazaqstan Musylmandary dinı basqarmasynyń málimetinshe, Nur-Sultan jáne  Shymkent qalalarynda, sondaı-aq Mańǵystaý, Túrkistan, Atyraý, Aqtóbe, Aqmola, Soltústik Qazaqstan, Pavlodar, Shyǵys Qazaqstan oblystarynda Oraza aıt namazy oqylatyn ýaqyt saǵat 07:00-ge belgilengen.  Al Almaty men Qyzylorda qalasynda saǵat 06:00-de, Almaty, Jambyl, Batys Qazaqstan, Almaty  qalasy, Qaraǵandy oblystarynda saǵat 06:30, Qostanaı oblysynda saǵat 07:30-da oqylady.

Aıttyń mán-maǵynasyna kelsek, Aıt - qýanysh pen shattyqqa toly kún degen nemese mereke», «meıram» degen uǵymdy bildiredi eken. Allah Taǵala aıt saıyn adam balasyna ár túrli jaqsylyqtar beredi. Aıt meıramy aldymen aıt namazyn oqýmen bastalady. Súıikti Paıǵambarymyz Muhammed (s.ǵ.s.) óz ósıetinde: «Aıt kúni birinshi oryndaıtynymyz - namaz oqý», - degen. Bul namaz Islamnyń urany bolǵandyqtan, paıǵambarymyz Muhammed (s.ǵ.s.) ómirinde ony bir ret te qaldyrmaı oqyǵan. Aıtta musylmandardyń bir-birimen tatýlyqtaryn arttyrýy - merekeniń negizgi sáni. Osy maqsatta Paıǵambarymyz (s.ǵ.s.): «Bir-birińe syılyq berip, tatýlasyńdar... Bir-birińe bergen syılyqtaryń - aralaryńdaǵy óshpendilikti joıady», - dep ósıet etken.

Oraza aıt merekesi sháýýál aıynyń birinshi kúni bastalyp, úsh kúnge sozylady. Ol kúni erterek turyp, ǵusyl alyp, meshitke - aıt namazyna hosh ıisti bolyp barý - Paıǵambarymyzdyń (s.ǵ.s.) súısine jasaıtyn amalynan edi. Sondyqtan da, bul amal mustahab sanalady. Osy aıtqa baılanysty taǵy bir súnnet amaly jaıynda hadıste: «Paıǵambarymyz (s.ǵ.s.) aıt kúni meshitke barǵan jolymen qaıtpaı, basqa jolmen qaıtatyn edi», - delingen. Bul da árbir musylman úshin súnnet.

Oraza aıt kúnderi árbir musylmannyń shańyraǵynda shelpek, baýyrsaq pisirilip, ár úıde ádettegiden sáni de, saltanaty da  erekshe merekelik dastarqan jaıylyp, qonaqtar shaqyrylady. Sonymen qatar, jaǵdaıy tómen adamdarǵa járdem kórsetilip, olar da meıramnan tys qaldyrylmaıdy. Bul kúnderi týǵan-týystar bir jerge jınalyp nemese zırat basyna baryp ómirden ozǵan jaqyndarynyń árýaǵyna baǵyshtap quran oqıdy. Qasıetti Ramazan aıynan keıin keletin osy ulyq merekeni álemdegi jalpy búkil musylmandar aıryqsha qýanyshpen, zor yqylaspen atap ótedi. Arada qanshama ǵasyr ótse de, bul ulyq meıramnyń mán-mańyzy kemimeı, kerisinshe jyl ótken saıyn artyp keledi. Bul meıramnyń ádettegilerden negizgi erekshelikteri -  adamdardy baýyrmaldylyqqa, kishipeıildilikke, keshirimdilikke, súıispenshilikke shaqyrady. Musylmandar qudireti kúshti Alla Taǵalanyń adam balasyna bergen nyǵmetterine táýbe aıtyp, shúkirshilik jasaýǵa úndeıdi.  

Qasıetti Ramazan aıynan keıin kelgen ulyq mereke - Oraza Aıt barshamyz úshin qutty bolsyn! Týǵan Otanymyz - Qazaqstanymyz beıbitshilik pen tatýlyqtyń qushaǵynda ósip-órkendep, ana tilimizdiń mártebesi arta bersin, ıslam dini qanatyn keńge jaıa bersin! Qazaqstandaǵy árbir shańyraqtyń qut-berekesi molaıa tússin!

Bizdiń kanalymyzǵa jazylyńyz:

Basty sózder: Din, Qoǵam,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT