Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Bolat Kalıanbekov «Nur Media» holdınginiń bas dırektory qyzmetine taǵaıyndaldy

2019 jylǵy 10 shilde 11:58 579
Bólisińiz:
Bolat Kalıanbekov «Nur Media» holdınginiń bas dırektory qyzmetine taǵaıyndaldy

NUR-SULTAN. QazAqparat - Bolat Kalıanbekov «Nur Media» holdınginiń bas dırektory qyzmetine taǵaıyndaldy. Bul týraly «Nur Otan» partııasy Tóraǵasynyń birinshi orynbasary Baýyrjan Baıbek Twitter-degi paraqshasynda habarlady.

«Elbasy, «Nur Otan» partııasynyń Tóraǵasy N.Á.Nazarbaev «Nur Media» holdınginiń jumysyn qaıta qalyptastyrýdy aldymyzǵa mindet etip qoıdy. Bul baǵytta partııa resýrstarynyń jumysyn «jańa» medıaǵa basymdyq bere otyryp júrgizýdiń mańyzy zor. Osyǵan baılanysty Bolat Kalıanbekov holdıngtiń bas dırektory qyzmetine taǵaıyndaldy. Jańa qyzmette tabys pen sáttilik tileımin!» delingen habarlamada. 

Bolat Kalıanbekov 1979 jyly týǵan. E. Bóketov atyndaǵy Qaraǵandy memlekettik ýnıversıtetin «Saıasattaný» jáne Qaztutynýshylarodaǵy Qaraǵandy memlekettik ýnıversıtetiniń «Quqyqtaný: ekonomıka salasyndaǵy quqyqtyq retteý» mamandyǵy boıynsha támamdaǵan.        

Mádenıet jáne aqparat mınıstrliginde ár jyldary qatardaǵy maman, bólim basshysy, basqarma basshysy, sondaı-aq, aqparat jáne arhıvter komıtetiniń tóraǵasy qyzmetterin atqarǵan. Prezıdent Ákimshiligi ishki saıasat bóliminiń aqparattyq sala sektorynyń ınspektory ári jetekshisi boldy. Qaraǵandy qalasynyń ishki saıasat departamentinde jáne aqparat basqarmasynda eńbek etken. Qaraǵandy oblysynyń Saran qalasy ákimdiginde jastar saıasaty máselesimen aınalysqan.   

QR Joǵarǵy sotynyń baspasóz hatshysy, 2019 jyldyń 5 naýryzynan beri «Almaty» telearnasynyń bas dırektory qyzmetterin atqarǵan. 

 

Bizdiń kanalymyzǵa jazylyńyz:

Basty sózder: Taǵaıyndaý, BAQ,
Bólisińiz:

Avtor:

Erbol Janat

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT