Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Bıyl gektarlyq sýbsıdııalaý alynyp, mal sharýashylyǵyn sýbsıdııalaý ózgeriske ushyraıdy - AShM

2016 jylǵy 29 sáýir 12:43 879
Bólisińiz:
Bıyl gektarlyq sýbsıdııalaý alynyp, mal sharýashylyǵyn sýbsıdııalaý ózgeriske ushyraıdy - AShM

ASTANA. QazAqparat - 2016 jyly gektarlyq sýbsıdııany alyp tastaý jáne mal sharýashylyǵyn sýbsıdııalaý baǵdarlamasyn ózgertý josparlanyp otyr. Bul týraly búgin Parlament Senatynda ótken parlamenttik tyńdaý barysynda Aýyl sharýashylyǵy mınıstri Asyljan Mamytbekov málim etti.

Vedomstvo basshysynyń sózine qaraǵanda, agroónerkásiptik kesheninde sýbsıdııalaý júıesin aýqymdy reformalar kútip tur. Onyń aıtýynsha, aldaǵy ýaqytta sýbsıdııalaý protsesi avtomattandyra otyryp, jalǵasatyn bolady.

«Reformanyń máni - yntalandyrmaıtyn sýbsıdııalar men memlekettik shyǵystardy qysqartý. Osyǵan baılanysty, 2016 jyly gektarlyq sýbsıdııany alyp tastaý jáne mal sharýashylyǵyn sýbsıdııalaý baǵdarlamasyn ózgertý josparlanyp otyr. Bul rette, bosaǵan qarajatty jabdyqtar men tehnologııany jańǵyrtýǵa septigin tıgizetin barynsha tıimdi baǵyttarǵa - ınvestıtsııalyq sýbsıdııalarǵa, paıyzdyq mólsherlemege arnalǵan sýbsıdııalaýǵa, ósimdik sharýashylyǵyndaǵy saqtandyrýǵa, qosylǵan qun salyǵyn, asyl tuqymdy artyrýdy sýbsıdııalaýǵa, bıznes qaýymdastyqtardyń ǵylymı uıymdar kórsetetin qyzmetterge arnalǵan shyǵyndaryn sýbsıdııalaýǵa, fıtosanıtarııalyq qaýipsizdikti arttyrýǵa qaıta baǵyttaý josparlanyp otyr», - dedi Asyljan Mamytbekov.

Onyń aıtýynsha, agroónerkásiptik keshendi sýbsıdııalaý tetikterin tabysty iske asyrý úshin «Agrobıznes-2020» baǵdarlamasynyń tolyq kólemde qarjylandyrylýyn qamtamasyz etý qajet.

«Eýrazııalyq ekonomıkalyq odaq pen Dúnıejúzilik saýda uıymynyń biryńǵaı naryǵyn qurý da osyny qajet etedi. Onda  qatysýshy elderdiń aýyl sharýashylyǵy taýaryn óndirýshileri ár túrli memlekettik qoldaý kólemderi jaǵdaıynda naryqqa qol jetkizý úshin birdeı sharttarǵa ıe bolady», - dedi mınıstr.

 

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT