Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Bilim men ǵylym salasyna úles qosyp júrgen túrkistandyq jýrnalıster marapattaldy

2019 jylǵy 29 maýsym 18:14 706
Bólisińiz:
Bilim men ǵylym salasyna úles qosyp júrgen túrkistandyq jýrnalıster marapattaldy

ShYMKENT. QazAqparat - M. Áýezov atyndaǵy Ońtústik Qazaqstan memlekettik ýnıversıtetiniń rektory Darııa Qojamjarova Buqaralyq aqparat quraldary qyzmetkerleriniń kúnine oraı bir top jýrnalısti marapattady. Ońtústik óńirindegi irgeli oqý ornynyń basshysy  ýnıversıtette atqarylyp jatqan ilkimdi isterdi atap ótip, aldaǵy josparlarymen bólisti, dep habarlaıdy QazAqparat tilshisi.

Darııa Qojamjarova basqosý barysynda mass-medıanyń qoǵamdaǵy orny týrasynda áńgimelep, jýrnalısterdiń qazaqstandyq patrıotızmdi nyǵaıtýǵa jáne  qoǵamdyq kelisim men etnosaralyq tatýlyq qundylyqtaryn bekemdeı túsýge qosyp otyrǵan eńbekterin atap ótti. Memleket pen qoǵamnyń ózekti problemalaryna jedel ún qatýǵa serpindi úles qosyp kele jatqandyǵyn jetkizdi.
Bilim men ǵylym salasyna úles qosyp júrgen túrkistandyq jýrnalıster marapattaldy 

«Tilshiler qaýymy irgeli oqý ornymyzda bolyp jatqan mańyzdy oqıǵalar, men  bilim-ǵylym salasyndaǵy tyń jańalyqtardy, ǵalymdardyń ǵylymı-ınnovatsııalyq jobalary, rýhanı-tanymdyq turǵydaǵy mańyzdy aqparattardy der kezinde jurtshylyqqa jetkizip keledi. Munyń ózi  baspasóz salasynyń qoǵamda mańyzdy ról atqarady. Sebebi, jalpyǵa ortaq aqparattandyrý ǵasyrynda naqty aqparat negizgi basymdyq ári qundylyq bolyp sanalady. Kóptegen bıik belesterdi baǵyndyryp jatqan ordaly oqý orny men halyqtyń arasyndaǵy altyn kópir bolyp júrgen sizderdiń eńbekterińiz eleýli úlken ekenin atap ótken abzal», - dedi Darııa Qojamjarova.

Jıyn sońynda OQMÝ rektory aımaqtaǵy birqatar respýblıkalyq aqparat quraldarynyń menshikti tilshileri men óńir jýrnalısterin Alǵys hatpen marapattap, syı-sııapat kórsetti. Olardyń qatarynda «Habar» telearnasynyń menshikti tilshisi Nurbek Baıbosyn men «QazAqparat» Halyqaralyq aqparat agenttiginiń menshikti tilshisi Aınur Aqbaeva, «Egemen Qazaqstan» gazetiniń menshikti tilshisi Nurshat Tóken men «KTK» telearnasynyń menshikti tilshisi Bek Ábıev, «Astana» telearnasynyń menshikti tilshileri Aızada Tórebek pen Bahrom Talıbjanov, «Qazaqstan» Ulttyq arnasynyń menshikti tilshisi Ǵanı Qalmaqanov pen «Ońtústik» telearnasynyń dırektory Ýálı Qydyr, «Otyrar» telearnasynyń dırektory Áıgerim Jumaǵulova, «NarTV» telearnasynyń bas redaktory Ardaq Jaqsylyqova jáne «Habar» telearnasynyń vıdeooperatory Nurmahan Musatovtar bar. 


Bilim men ǵylym salasyna úles qosyp júrgen túrkistandyq jýrnalıster marapattaldy 

 

Bizdiń kanalymyzǵa jazylyńyz:

Basty sózder: Aımaq, Túrkistan oblysy, JOO-lar,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT