Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Beıneýden Núkiske baratyn jol bıyl paıdalanýǵa beriledi

2019 jylǵy 9 aqpan 11:13 1437
Bólisińiz:
Beıneýden Núkiske baratyn jol bıyl paıdalanýǵa beriledi

AQTAÝ. QazAqparat - «Beıneý-Aqjigit-Ózbekstan respýblıkasynyń shekarasy» tas jolyn qalpyna keltirý jumystary 2019 jyldyń sońyna sheıin aıaqtalady, dep habarlaıdy QazAqparat «QazAvtoJolǵa» silteme jasap.

Qalpyna keltirip jatqan «Beıneý-Aqjigit-Ózbekstan respýblıkasynyń shekarasy» tas jolynyń 0-85 shaqyrymy aralyǵyndaǵy jumystar alańyna Mańǵystaý oblysynyń ákimi Eraly Toǵjanov bardy.

Jumys saparynyń barysynda «QazAvtoJol» UK» AQ Mańǵystaý oblystyq fılıalynyń dırektory Erbol Omarov Mańǵystaý oblysynda 2018 jyly respýblıkalyq mańyzy bar joldardy qalpyna keltirý jumystary týraly baıandap, 2019 jyldyń josparlarymen bólisti.

«Beıneý-Aqjigit-Ózbekstan respýblıkasynyń shekarasy» (Núkiske baratyn) respýblıkalyq mańyzy bar avtomobıl joly mańyzdy kólik-ınfraqurylymdyq nysan bolyp tabylady. Ol Quryqtan basqa elderge kólikpen júk tasymaldaýǵa múmkindik beredi. Ekinshi dárejeli joldyń uzaqtyǵy - 85 shaqyrym, ol Ózbekstan shekarasynan bastalyp, Beıneý aýyly arqyly ótedi.

2018 jyldyń qorytyndysy boıynsha kommýnıkatsııalardy qaıta qurý, joldy tóseý, sý ótkizýshi qubyrlar, dızel elektrli qurylǵylardy ornatý jumystary júrgizilgen. Oǵan 237 tehnıka, 471 qyzmetker jumyldyrylǵan. Kúre joldyń atalǵan bóliginde kólik óte kóp júredi, sondyqtan olardyń kedergisiz jedel ótýin qamtamasyz etý mańyzdy.  

Jobaǵa sáıkes, «Beıneý-Aqjigit-Ózbekstan respýblıkasynyń shekarasy» tas jolyn 2019 jyly  paıdalanýǵa berý josparlanyp otyr.

 

Eske sala ketsek, 2018 jyly tamyz aıynda Elbasy Quryq portyndaǵy kólik habyn tanystyrýǵa arnalǵan shara aıasynda uıymdastyrylǵan telekópir kezinde «Beıneý-Aqjigit-Ózbekstan shekarasy» jolynyń birinshi kezeńin ashýǵa ruqsat bergen edi

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT