Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Berdibek Saparbaev: Oralmandarǵa baspana berilýi tıis

2019 jylǵy 24 maýsym 14:42 1590
Bólisińiz:
 Berdibek Saparbaev: Oralmandarǵa baspana berilýi tıis

NUR-SULTAN. QazAqparat - Qazaqstanda oralmandardy beıimdeý ortalyqtary qurylady. Bul týraly búgin halyqpen eseptik kezdesý ótkizgen QR Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

«Eń aldymen otandastarymyzǵa Qazaqstannyń kez kelgen óńirinde ómir súrýge múmkindik beredi. Ekinshiden, qonys aýdarý barysynda qala ne bolmasa aýylǵa ıaǵnı, jergilikti jerlerge baılanysty otbasynyń árbir múshesine shamamen 8 myń teńge tólenedi. Eger páter ne bolmasa turǵyn úı birden berilmese, onda 12 aı boıy 30-dan 70 myń teńgege deıin tólenedi», - dedi mınıstr.

Bul rette Berdibek Saparbaev  osydan 10 jyl buryn elimizde oralmandardy beıimdeý ortalyqtary, jataqhanalar bolǵanyn eske saldy.

«Ókinishke oraı, olardyń qaıda ketkenin bilmeımin. Degenmen, onymen aınalysýymyz kerek. Qazirgi ýaqytta biz osy baǵytta jumys jasap jatyrmyz», - dedi ol.

Sonymen qatar, Eńbek mınıstri bul máselege qatysty tıisti komıtetke tapsyrma berilgenin atap ótti.

«Bastapqy kezde qandaı da bir baspana berilýi tıis. Olar ózge elden keldi, bul jerde tanystary da, týǵan-týystary da joq», - dedi B.Saparbaev.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT