Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Berdibek Saparbaev kópbalaly otbasylarǵa jer telimin berýdi usyndy

2019 jylǵy 28 aqpan 16:01 1186
Bólisińiz:
Berdibek Saparbaev kópbalaly otbasylarǵa jer telimin berýdi usyndy

ASTANA. QazAqparat - Kópbalaly otbasylarǵa úı salyp alýy úshin jer ýchaskesin bólý máselesin qarastyrý qajet. Bul týraly búgin Úkimet otyrysynda QR Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

Onyń aıtýynsha, múgedektigi bar balalarǵa jáne 18 jastan asqan, týabitti birinshi toptaǵy múgedekterge kútim jasap otyrǵan 100 myń azamattyń járdemaqysy 31 183 myń teńgeden 41 578 myń teńgege ósedi.

«Tolyq emes kópbalaly otbasylardyń úıde jumys isteýine jaǵdaı jasaý úshin aýyldaǵy kópbalaly otbasylarǵa granttar men mıkrokredıt beriledi. Jalpy granttar qaralǵan. Aýyldaǵy kópbalaly otbasylardy jumyspen qamtý, otbasy bıznesin ashý, tabystaryn arttyrý úshin qaıtarylmaıtyn 500 myń teńgeden 20 mıllıon teńgege deıin jańa bıznes ashý úshin memlekettik granttar beriledi», - dedi ol.

Mınıstrdiń dereginshe, 2019 jylǵa josparlanǵan mıkrokredıtteý aıasynda 14 myń mıkrokredıttiń 5 myńy aýyldyq jerlerdegi kópbalaly analar men múgedektigi bar adamdar arasynda kásipkerlikti damytýǵa jumsalady. Nátıjesinde kópbalaly 15 myń otbasy jeke isimen aınalysýǵa jáne tabysyn arttyrýǵa múmkindik alady.

Kópbalaly analar men múgedek balany tárbıelep otyrǵan analardy jumyspen qamtý jáne ózin-ózi damytýǵa qoljetimdilikti keńeıtý úshin suranysqa ıe kásipterge qysqa merzimdi oqytýlar  uıymdastyrylady.

«Bunyń barlyǵy - Úkimet tarapynan jasalatyn kómekter. Bul rette sizden suraıtynymyz - óńirlerdiń ákimderine qosymsha tapsyrma berseńiz. Bizde kóptegen kásiporyndar, kásipkerler nashar turatyn, kópbalaly otbasylarǵa kómektesedi. Olar ózderinde jumys isteıtin kópbalaly otbasylarǵa páter jaǵynan kómektesse. Ekinshisi - jer berý máselesi. Kezdesken kezde estigenbiz. Kópbalaly analar «bizge berseńizder, páterge tólep otyrǵan aqshamyzdy soǵan jumsap, úı salatyn edik» deıdi. Sonymen qatar, bastapqy jarnanyń jartysyn jergilikti bıýdjetten alý týraly da usynys bar», - dedi B.Saparbaev.

Berdibek Saparbaev kópbalaly otbasylarǵa jer telimin berýdi usyndy 

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT