Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Belarýste parlament saılaýy bastaldy

2016 jylǵy 11 qyrkúıek 12:58 705
Bólisińiz:
Belarýste parlament saılaýy bastaldy

ASTANA. QazAqparat - Belarýste Ulttyq jınalys ókilderi palatasynyń (tómengi palata) depýtattaryn saılaý úshin alty myńnan astam ýchaske ashyldy. Onyń 47-si respýblıkadan tys uıymdastyryldy, dep habarlaıdy reseılik TASS agenttigi.

«7 mıllıon belorýstik daýys berýshiler 6 018 saılaý ýchaskesinde depýtattyq saılaýda daýys bere alady», - dep málimdedi respýblıkalyq Ortalyq saılaý komıssııasy.

Saılaý ýchaskelerinde ulttyq jáne halyqaralyq baqylaýshylar bar. Dástúr boıynsha, daýys berý ótetin ǵımarattar mańynan saýda núkteleri ashyldy, onda saılaýshylar daýys berýden keıin saýda jasaı alady. Jergilikti bılik kórkem ónerpaz ujymdaryn shaqyryp, saılaý kezinde mereke uıymdastyrýǵa ýáde berdi.

Ortalyq saılaý komıssııasynyń málimeti boıynsha, Palatadaǵy 110 orynǵa 484 kandıdat talasqa túsip otyr. Jeke saılaý okrýgterinde, ásirese Mınskide bir orynǵa alty-jeti adam talasýda. Eger bir mandatty okrýg saılaýshylarynyń jartysynan astamy daýys berse, saılaý ótti dep sanalady. Eń kóp daýys jınaǵan kandıdat jeńimpaz atanady.

Parlament saılaýlaryndaǵy saılaý ýchaskeleri jergilikti ýaqyt boıynsha 20:00-de jabylady. Daýys berýdiń bastapqy nátıjesin Ortalyq saılaý komıssııasyniń tóraıymy Lıdııa Ermoshına túnde jarııalaýy múmkin.

Ulttyq jınalys ókilderi Palatasy músheleriniń ókilettiligi tórt jyldy quraıdy. 

Bizdiń kanalymyzǵa jazylyńyz:

Basty sózder: Saılaý, Moldova,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT