Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Batys Qazaqstannan Tegeranǵa et jóneltildi

2017 jylǵy 7 qyrkúıek 15:03 970
Bólisińiz:
Batys Qazaqstannan Tegeranǵa et jóneltildi

ORAL. QazAqparat - Aqjaıyq aýdanynda ornalasqan «Batys Marka Lamb» JShS-dan Iran memleketine et ónimi jóneltildi, dep habarlaıdy «QazAqparat» tilshisi.

Iran eline jyl sońyna deıin 1500 tonna tońazytylǵan marqa etin eksporttaý jónindegi kelisim-shartqa sáıkes shilde aıynda alǵashqy ónim Atyraý áýejaıy arqyly jiberilgen bolatyn. Bul joly marqa eti Tegeranǵa Oral qalasynyń áýejaıynan tikeleı tıeldi.

«Batys Marka Lamb» JShS - táýligine 1400 bas marqa soıyp, vakýým kaptamasynda bólshektelgen et óndiretin keshen.  Atalmysh jobanyń qurylysy 2013 jyly bastalyp, 2015 jyly iske qosylǵan bolatyn.  Búginde 80-nen astam adamdy turaqty jumyspen qamtyp otyrǵan kásiporyn respýblıka kóleminde sońǵy tehnologııalarǵa saı usaq mal etin óńdeıtin jáne ónimi eksportqa baǵyttalǵan alǵashqy arnaıy keshen bolyp tabylady.

Kásiporyn 2016 jyly Reseı Federatsııasyna 180  tonna marqa  etin eksporttasa, bıyl jyl sońyna deıin taǵy 50 tonna marqa etin jetkizýdi  josparlap otyr.

«Biz ekologııalyq taza ónim shyǵaramyz. Sondyqtan Iran elinde bizdiń ónim joǵary baǵalanady. Mine, ırandyqtarmen aradaǵy kelisimniń aıasynda ekinshi márte tońazytylǵan et jóneltip otyrmyz. Iran kásipkerleriniń óz talaptary bar. Olarǵa marqa eti kerek, ári erkek mal bolýy qajet. Biz olardyń  talabyn tolyq qanaǵattandyra alamyz. Al shıkizat máselesinde eshqandaı qıyndyq joq. Oblystaǵy sharýa qojalyqtarynan jáne jeke ıeliktegi maldy qabyldaımyz. Barlyq veterınarlyq-sanıtarlyq qadaǵalaý talaptary saqtalalyp, etti eksporttaýǵa memleketten ruqsat alynady. Alda ózge de memleketterge et ónimderin eksporttaý josparymyzda bar», - dedi «Batys Marka Lamb» JShS-niń dırektory Rýslan Temirbolat. 

Aıta ketý kerek, Qazaqstan men Iran kásipkerleri arasyndaǵy ózara yntymaqtastyq baılanystar Elbasy N.Nazarbaevtyń byltyr Iran eline barǵan saparynan keıin ornaı bastady. Keıin oblys ákimi Altaı Kólginov bastaǵan delegatsııa Iran eline baryp,  kásiporyndarmen kelissózder júrgizgen bolatyn. Atalmysh joba - sonyń nátıjesi.

Mamandar Batys Qazaqstan oblysyndaǵy aýyl sharýashylyǵy salasynyń áleýeti joǵary dep baǵalaıdy.  Búgingi tańda óńirdiń bul salasyna qyzyǵýshylyq tanytýshy memleketter bar, olarmen seriktestik máselesi jóninde kelisimder júrgizilýde.  Al «Batys Marka Lamb» JShS-niń ónimderi qazirdiń ózinde Qytaı, Birikken Arab Ámirlikteri, Irak, Iordanııa elderiniń nazaryn aýdartyp úlgerdi. Aldaǵy maqsat - osy elderdiń naryǵyna shyǵý. 

 

 

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT