Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

BAQ salasyndaǵy mamandar ár aqparatqa muqııat bolǵany abzal - sarapshy

2019 jylǵy 9 shilde 18:29 698
Bólisińiz:
BAQ salasyndaǵy mamandar ár aqparatqa muqııat bolǵany abzal - sarapshy

ALMATY. QazAqparat - Almatyda din taqyrybynda jazatyn jýrnalısterge arnalǵan semınar ótip jatyr, dep habarlaıdy QazAqparat tilshisi.

«QR lańkestik jáne ekstremızm máselerin zertteý ortalyǵy» QQ men Almaty qalalyq qoǵamdyq damý basqarmasynyń qoldaýymen BAQ-ta dinı taqyryptardy jarııa etýdiń nysandary men ádisteri jóninde jýrnalısterge arnalǵan oqytý semınarynyń baǵdarlamasy aýqymdy. BAQ ókilderine arnalǵan sharada mamandar jýrnalısterge meıilinshe qajetti aqparattarmen bólisýge tyrysty. BAQ memleket pen qoǵamnyń baǵa jetpes kúshi ekenin eskertti.

«Qazirgi tańda álem boıynsha BAQ ókilderine degen suranys joǵary. Sebebi, saıasatta, qoǵamda, qarapaıym kúndelikti ómirde de tilshilerdiń alatyn orny erekshe. Batys eli olardy barynsha qurmettep jáne sol jýrnalıster arqyly kózdegen maqsattaryna jetedi. Tilshilerdi  qoǵamnyń myqty qarýy dep sanaıdy.  Qazir  dúnıejúzinde  «aqparat soǵysy» júrip jatyr. BAQ-ty  bılikke qarsy paıdalaný úrdiske aınaldy. Sondyqtan osy salada júrgen mamandar ár aqparatqa muqııat bolǵany abzal», - deıdi Din isteri jónindegi komıtettiń respýblıkalyq aqparattyq-túsindirme tobynyń sarapshysy Rýslan Irjanov.

Sarapshy-maman  aqparat tartaýdyń ondaǵan túrin mysalǵa keltirdi. Kez-kelgen memlekettiń ózindik ustanǵan pozıtsııasy bar. Sońǵy jyldary sensatsııalyq aqparat taratý beleń alyp barady. Halyq arasynda úreı týdyratyn, jaǵymsyz jańalyqtyń taralýy  uzaqqa barmaıdy. Desekte, sol úsh kúnniń ishinde álemdi dúrliktirýge shamasy jetedi. Shyndyqqa janaspaıtyn  aqparatty  «qaýeset» dep ataıdy.

«Aqparat keńistiginde «Rýmologııa» degen uǵym bar. Onyń úsh parametri bolady. 1- jalǵan aqparattyń  tez taralýy, 2 - aqparatty burmalaý faktory, 3 - halyqty tolyq qamtý. Sizderge bir mysal keltireıin.  Bárimizdiń esimizde  «2011 jyly Shymkentte kishkentaı balalardy qurbandyqqa shalady», - degen aqparat tarady. Bul Qurban aıt merekesi kúni taraǵan ósek. Halyq shoshyp qaldy. Balalaryn úıden shyǵarmaýǵa tyrysty. Keıin BAQ ókilderi  bul aqparattyń shyndyqqa janaspaıtynyn jarysa jazdy. Desekte, halyq arasynda rezonans týdy. Demek, teris pıǵyldy adamdar kózdegen maqsattaryna jetti. Turyǵyndardy dúrliktirdi. Mine, aqparattyń osyndaı túri de bar », - deıdi saıasattanýshy Rýslan Irjanov.

BAQ ókilderi men blogerlerge arnalǵan  oqytý semınarynda tilshiler qaýymy ekstermızm men terrorızmge qarsy aqparattyq is qımyl boıynsha qoıylǵan saýaldaryna tolyq jaýap aldy. Uıymdastyrýshylar men mamandar   kez - kelgen aqparatty taratpas buryn eń aldymen onyń rastyǵyna jáne qandaı maqsatta ekenin bilýge  keńes berdi.

Avtory: Alma Muqanova

 

Bizdiń kanalymyzǵa jazylyńyz:

Basty sózder: BAQ, Din,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT