Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Ázerbaıjan saıasatkeri: Saılaý qorytyndysy Qazaqstannyń saıası kún tártibin aıqyndap beredi

2019 jylǵy 10 maýsym 09:19 1089
Bólisińiz:
Ázerbaıjan saıasatkeri: Saılaý qorytyndysy Qazaqstannyń saıası kún tártibin aıqyndap beredi

NUR-SULTAN. QazAqparat - 9 maýsymda ótken kezekten tys prezıdent saılaýynyń qorytyndysy Qazaqstannyń aldaǵy birneshe jylynyń saıası kúntártibin aıqyndaıtyn bolady. Mundaı pikirdi elordada tilshilerge bergen suhbatynda ázerbaıjandyq saıasatker Farhad Mamedov bildirdi, dep habarlaıdy QazAqparat tilshisi.

«Saılaýǵa qatysqan kandıdattardyń basym bóligi saılaý synyna birinshi ret túsip otyr. Bul degenimiz kandıdattardyń elektoraldyq shama-sharqy teń boldy degendi bildiredi. Búgin Ortalyq saılaý komıssııasy jarııalaıtyn saılaý qorytyndysy - Qazaqstannyń aldaǵy birneshe jylynyń saıası kún tártibin aıqyndaıtyn bolady», - dedi sheteldik sarapshy.

Farhad Mamedovtyń aıtýyna qaraǵanda, Qazaqstan - aımaqtaǵy mańyzy men salmaǵy zor memleketterdiń biri. Mine, sondyqtan, osy elde ótip jatqan kez kelgen protsess - qalaı bolsa da kórshi elderge yqpal etetin bolady.

«Sol sebepti, Qazaqstandaǵy saılaýaldy kampanııaǵa degen kóptiń nazary erekshe boldy. Qoǵamǵa tanystyrylǵan kandıdattardyń  baǵdarlamasyna da erekshe kóńil bólindi. Ásirese, sheteldik sarapshylardy kandıdattardyń syrtqy saıasat boıynsha ustanymdary qyzyqtyrdy degen oıdamyn. Qoǵam muragerlikke daýys berdi. Exit poll nátıjesi osyny kórsetip otyr. Saılaýshylardyń saılaý ýchaskelerine kóptep kelýi halyqtyń kandıdattardyń baǵdarlamasyn uǵynǵanyn bildiredi. Teń jaǵdaı jasaldy», - dedi saıasatker.

Farhad Mamedov óz sózinde Ortalyq Azııada Qazaqstan - damý lokomotıvi ekenin tilge tıek etti.

«Qazaqstan - toǵyz joldyń torabynda turǵan memleket. Dál osy jerde Eýrazııalyq ekonomıkalyq odaq pen Qytaıdyń bastamalary túıisip tur. Sol sebepti, álemdik qaýymdastyqtardyń nazarynyń Qazaqstanǵa aýyp turǵanynyń ózindik máni bar. Álbette, Qazaqstanda júzege asyrylyp jatqan reformalar men jobalar eń birinshi kezekte Qazaqstan halqy úshin jasalyp jatyr. Kórshi elderge de áseri mol. Sol sebepti, Qazaqstandaǵy bılik tranzıtiniń Ortalyq Azııa elderine yqpal etýi - zańdy», - dedi ol.

Eske sala ketsek, Exit poll nátıjesi boıynsha 9 maýsymda ótken QR Prezıdentiniń kezekten tys saılaýy barysynda saılaýshylardyń 70,13 paıyzy kandıdat Qasym-Jomart Toqaevqa daýys bergen edi.

Eske sala ketsek, keshe Qazaqstan Prezıdentin kezekten tys saılaýy ótti. QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys istedi. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7.00-20.00 aralyǵy) boldy.

 

Bizdiń kanalymyzǵa jazylyńyz:

Basty sózder: Saılaý 2019, Ázerbaıjan, Saılaý,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT