Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Atyraýlyq oqýshy Kıprde matematıkadan halyqaralyq olımpıadanyń altyn júldesin jeńip aldy

2019 jylǵy 4 shilde 20:56 600
Bólisińiz:
Atyraýlyq oqýshy Kıprde matematıkadan halyqaralyq olımpıadanyń altyn júldesin jeńip aldy

ATYRAÝ. QazAqparat - Bilim-ınnovatsııa lıtseı-ınternatynyń oqýshysy Aıbek Myrzataev matematıka páni boıynsha halyqaralyq olımpıadanyń altyn medal ıegeri atandy. Ony jeńisimen Atyraý oblysynyń ákimi Nurlan Noǵaev jeke quttyqtady, dep habarlaıdy QazAqparat tilshisi.

Kıpr eliniń Larnaka qalasynda 23-shi jasóspirimder arasyndaǵy Balkan matematıkalyq olımpıadasy ótti, oǵan 17 resmı komandadan quralǵan 112 adam qatysty, olardyń ishinde 10 komanda Balkan aımaǵynan bolsa, qalǵan 7 qonaqtyq komandalar, onyń ishinde bizdiń Qazaqstan quramasy da boldy.  Olımpıadany Kıpr Respýblıkasynyń matematıkter odaǵy uıymdastyrǵan. Qazaqstan komandasy birneshe jyldar boıy qonaq retinde úzdiksiz qatysyp keledi. Balkan Jasóspirimder Olımpıadasynyń tarıhynda tuńǵysh ret Qazaqstan quramasy beıresmı komandalyq jarysta 17 qatysýshy komandalar arasynda ekinshi orynǵa ıe boldy. Olımpıada nátıjesi boıynsha  Qazaqstan quramasy eki altyn, úsh kúmis jáne bir qola medaldi jeńip aldy. Altyn medaldiń birin Atyraýlyq oqýshy Aıbek Myrzataev jeńip aldy. Oblys ákimi Nurlan Noǵaev Aıbek Myrzataevty, onyń ákesi Isataı Sabıtovty jáne Bilim-ınnovatsııa lıtseı-ınternatynyń dırektory Elma Ismaıldy qabyldady.

Atyraýlyq oqýshy Kıprde matematıkadan halyqaralyq olımpıadanyń altyn júldesin jeńip aldy 

"Meniń áriptesterim jáne men sizderdi shyn júrekten quttyqtaımyz jáne osyndaı tabysqa jetkenińizge qýanyshtymyz. Sóz joq, bul sizdiń ata-anańyzdyń jáne muǵalimderińizdiń eńbegi. Qazir sen basqa oqýshylarǵa úlgi boldyń, endigi saǵan qarap basqalary boı túzeıtin bolady. Barlyq ómirlik synaqtarda birinshi oryndarda turýyńa tilektespin", - dedi Nurlan Noǵaev.             


Atyraýlyq oqýshy Kıprde matematıkadan halyqaralyq olımpıadanyń altyn júldesin jeńip aldy 

Bizdiń kanalymyzǵa jazylyńyz:

Basty sózder: Bilim, Atyraý oblysy,
Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT