Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Atyraýda Jaıyq jáne Qıǵash ózeniniń arnasy tereńdetilip jatyr

2019 jylǵy 11 sáýir 13:36 1130
Bólisińiz:
Atyraýda Jaıyq jáne Qıǵash ózeniniń arnasy tereńdetilip jatyr

ATYRAÝ. QazAqparat - Atyraý oblysynyń ákimi Nurlan Noǵaev Jaıyq-Kaspıı basseıninde balyq qorlaryn zańsyz aýlaýǵa qarsy kúres boıynsha óńirdegi qabyldanǵan sharalar týraly aqparatty tyńdady, dep habarlaıdy QazAqparat.

Atyraý oblystyq orman sharýashylyǵy jáne janýarlar dúnıesi aımaqtyq ınspektsııasynyń basshysy Danııar Baımaǵambetov 1 sáýirden bastap oblysta bekire balyǵy men basqa balyq túrlerin saqtaýdy kúsheıtýge baǵyttalǵan kezekti iri kólemdegi «Bekire-2019» balyq qorǵaý naýqanynyń bastalǵanyn málimdedi.

«Aktsııa barysynda brakonerlikke jol bermeý úshin ınspektsııa 16 kúzet beketin, onyń ishinde 10 mobıldi jáne 6 statsıonarlyq, Jaıyq ózeni boıynda 9, Qurmanǵazy aýdanynda 5, Kaspıı teńiziniń jaǵalaýynda 2 beket qyzmetin uıymdastyrdy.Sonymen qatar, teńiz bóliginde eki mobıldik top quryldy. Sondaı-aq, «Aqjaıyq» memlekettik tabıǵı qoryǵynyń aýmaǵynda birlesken beketter bar, bul - Prımorskıı, balyq aýlaý jáne Zaryoslyı arnalary», - deıdi Danııar Baımaǵambetov.

Іshki ister organdarynan úlken kúsh jumyldyryldy. 287 polıtsııa jáne 36 Ulttyq gvardııa qyzmetkeri jaǵalaýdaǵy patrýldik jáne statsıonarlyq beketterge shyqqan.

Taıaýda №2016 áskerı beketiniń shekara qyzmeti Isataı aýdanynda qamys arasynan «ıAmaha-200» motorly nómiri joq eki «baıda» qaıyǵyn taýyp, teńiz ınspektsııasy bólimine jetkizdi. 8 sáýirinde Isataı aýdany Manash teńiz ýchaskesinde shekara qyzmeti «ıAmaha-200» motorly nómirsiz úshinshi «baıdany» anyqtady.

Úılestirý shtaby atalǵan baǵyttaǵy sharany jalǵastyrady jáne ol  prokýratýra organdary men orman sharýashylyǵy jáne janýarlar dúnıesi komıtetiniń arnaıy baqylaýynda bolady.

«Bul sharalar balyqtardyń, ásirese bekire tuqymdas balyqtardyń ýyldyryq shashatyn jerlerge ótýin jáne olardyń kóbeıýin qamtamasyz etedi dep esepteımin», - dep atap ótti D.Baımaǵambetov.

Oblys ákimi ótken jyldyń sońyndaǵy balyqtyń qyrylýyna qatysty máselege toqtaldy.

«Bastysy - eshkim zardap shekken joq, sýdan nemese balyqtan ýlaný jaǵdaıy tirkelmedi. Qoǵamdyq uıymdar, eriktiler, oblys turǵyndary men memlekettik organdardyń birikken belsendi jumys nátıjesinde ólgen balyqtardy jınaý úshin iri kólemdegi jumys júrgizildi. Qoǵam belsendilerine, ÚEU basshylaryna kómek jáne keńes berý jumystary úshin, belsendilik úshin alǵys aıtamyn. Qazir nátıjesi boıynsha barlyq saýalǵa jaýap alatyn eki qylmystyq is qozǵaldy. Tergeýdi aıaqtaý úshin ýaqyt kerek, quqyq qorǵaý organdarynyń jaýabyn kútemiz», - dedi Nurlan Noǵaev.

Jaıyq-Kaspıı basseınindegi balyq aýlaý arnalarynyń túbin tereńdetý jaǵdaıǵa oń áserin tıgizedi. Búgingi kúni Atyraý oblysynda Jaıyq jáne Qıǵash ózenderiniń túbin tereńdetý jumystary júrgizilýde. Negizgi mindet - Kaspıı teńizinen ózenderdiń joǵarǵy jaǵyna deıin balyq popýlıatsııasynyń ótýine jaǵdaı jasaý.

«Bul jumystar jalǵasady. Arnaıy qarajat bólemiz. Kelisim bar, úkimet qoldady, ózen arnasyn tereńdetý jumystary kelesi jyldary da júıeli túrde júrgiziledi», - dep qorytyndylady Nurlan Noǵaev.

Atyraýda Jaıyq jáne Qıǵash ózeniniń arnasy tereńdetilip jatyr 

Bizdiń kanalymyzǵa jazylyńyz:

Basty sózder: Atyraý oblysy, Ekologııa, Kaspıı,
Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT