Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

Atyraýda qazaq tili men ádebıetinen ótken halyqaralyq olımpıada júldegerleri marapattaldy

2019 jylǵy 7 shilde 16:12 648
Bólisińiz:
Atyraýda qazaq tili men ádebıetinen ótken halyqaralyq olımpıada júldegerleri marapattaldy

ATYRAÝ. QazAqparat - Atyraýda qazaq tili men ádebıetinen ótken halyqaralyq olımpıadaǵa alty memleketten 62 oqýshy keldi, dep habarlaıdy QazAqparat tilshisi.

6 shildede Qurmanǵazy atyndaǵy mádenıet úıinde qazaq tili men ádebıetinen halyqaralyq olımpıada júldegerlerin marapattaý saltanaty boldy. Qytaı, Mońǵolııa, Qyrǵyzstan, Reseı, Iran, Ózbekstan memleketterinen kelgen 62 oqýshy ana tilderinen bilimderin synǵa saldy. Júldegerlerge oblys ákiminiń birinshi orynbasary Serik Shapkenov marapattaryn tapsyrdy. 

"Qazaq dıasporasy ókilderiniń basqa elderde tursa da, ana tilderin jetik meńgergenderi, óz tilderinde sóılep, bilimderin jetildiretinderi qýantady. Halyq danalyǵynda aıtylǵandaı, óz tilin umytqan ult tamyryn joǵaltady. Basqa elderde tursa da, qazaq tilin meńgerip, otbasylarynda osy tilde sóılesetin osyndaı balalardyń arqasynda ana tilimizdiń bolashaǵy baıandy bolaryna senemin",-dedi olımpıada qatysýshylaryna Serik Shapkenov.
Halyqaralyq olımpıada qortyndysy boıynsha 5 qatysýshy altyn medal, 8 qatysýshy kúmis, 15 qatysýshy qola medal ıelendi.

Atyraýda qazaq tili men ádebıetinen ótken halyqaralyq olımpıada júldegerleri marapattaldy

"Balalar túrli atalymdar boıynsha da marapattaldy. Úzdik kórsetkish kórsetkenderge Qazaqstandaǵy JOO-da tegin oqýǵa sertıfıkattar, rektor granttary berildi",-deıdi oblystyq bilim berý basqarmasy basshysynyń mindetin atqarýshy Jansulý Tóremuratova.

Olımpıada qortyndysy boıynsha barlyq balalar ana tiline degen qurmetteri úshin túrli syılyqtarǵa ıe boldy.
Aıta ketý kerek, marapattardyń kópshiligin Ózbekstan Respýblıkasynan kelgen etnıkalyq qazaqtar jeńip aldy.                                                  


Atyraýda qazaq tili men ádebıetinen ótken halyqaralyq olımpıada júldegerleri marapattaldy 

 

Bizdiń kanalymyzǵa jazylyńyz:

Basty sózder: Bilim, Atyraý oblysy, Til,
Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT